Gujarati News

Gujarati News

News of Friday, 19th October 2018

કાલે જુનાગઢમાં ધનસુખભાઇ ભંડેરી એકતાયાત્રા-રથને પ્રસ્થાન કરાવશે

રાજકોટ તા.૧૯: ''સ્ટેચ્યુ ઓફ યુનિટી''નાં લોકાપર્ણ પુર્વે રાજયભરમાં એકતાયાત્રાનું આયોજન થયું છે. જે અંતર્ગત આવતીકાલે ગુજરાતનાં જુનાગઢ ખાતે રાજયનાં મ્યુનિસિપલ ફાઇનાન્સ બોર્ડના ચેરમેન એકતા યાત્રાનો પ્રારંભ કરાવશે.

સરદાર વલ્લભભાઇ પટેલની વિશ્વની વિરાટતમ પ્રતિમા 'સ્ટેચ્યુ ઓફ યુનિટી' ના ૩૧ ઓકટોબરે લોકાપર્ણ પૂર્વે રાજયભરમાં એકતાયાત્રા યોજીને સરદાર સાહેબના એકતા અને અખંડિતતાના મંત્રને ઘેર-ઘેર ગુંજતો કરવાનો ધ્યેય રાખવામાં આવ્યો છે.

આ એકતા યાત્રાના પ્રથમ તબક્કામાં પાંચ હજાર ગામોને આવરી લેવામાં આવશે. ધર્મ-સંપ્રદાય અને જ્ઞાતિ-જાતિના વાડાથી બહાર આવીને રાષ્ટ્રભાવના ઉજાગર કરવાના ઊમદા આશયથી યોજાનાર આ એકતાયાત્રા બે તબક્કા દરમિયાન ૧૦ હજાર ગામોમાં પરિભ્રમણ કરશે જે માટે ૫૦ થી વધુ રથ તૈયાર કરાયા છે.

રથમાં સરદાર સાહેબની પ્રતિમા રહેશે તેમજ એલ.ઇ.ડી. સ્ક્રીન પરથી સરદાર સાહેબના જીવન-કવનને આવરી લેતી અને 'સ્ટેચ્યુ ઓફ યુનિટી' માટેની ટેલિફિલ્મ દર્શાવાશે.

રથનું ગામમાં આગમન થાય ત્યારે ભવ્ય સ્વાગત કરાશે અને સ્વાગત વેળાએ એકતાના શપથ ગ્રહણ નાગરિકોને કરાવાશે. તે સમયે ધાર્મિક ગુરૂઓ, શિક્ષકો, પંચાયતના સભ્યો, સહકારી મંડળી-દૂધ મંડળીના સભ્યો ઉપસ્થિત રહેશે.

રાજયમાં યોજાનાર આ એકતાયાત્રાનો પ્રથમ તબક્કો તા. ૨૦મી ઓકટોબરથી ૨૯મી ઓકટોબર -૨૦૧૮ દરમિયાન યોજાશે. યાત્રાનો બીજો તબક્કો ૧૨મી નવેમ્બર -૨૦૧૮ થી ૨૧ નવેમ્બર -૨૦૧૮ દરમિયાન યોજાશે. પ્રથમ તબક્કામાં ૫૦૦૦ ગામો તથા બીજા તબક્કામાં ૫૦૦૦ ગામોને આવરી લેવામાં આવશે. રાત્રી રોકાણના ગામમાં જાહેરસભા તથા સાંસ્કૃતિક કાર્યક્રમોનું આયોજન કરવામાં આવશે.

મંત્રીશ્રીએ સરદાર સાહેબના એકતા-અખંડિતતાના મંત્રીને ચરિતાર્થ કરવા માટે રાજય સરકારે જે પ્રયાસો હાથ ધર્યા છે તેમાં આ એકતાયાત્રામાં વધુને વધુ નાગરિકોને સહભાગી થવા અનુરોધ કર્યો છે.

(3:53 pm IST)
  • સુરત:નાની અંબાજી ખાતેથી ગઇકાલે નીકળેલી રથયાત્રામાં બની અકસ્માત ઘટના:માતાજીના રથયાત્રા દરમ્યાન યુવક રથ પરથી નીચે પટકાયો:ઘટના બાદ લોકો વચ્ચે મચી નાશભાગ યુવક ઈજાગ્રસ્ત થતા સારવાર અર્થે નજીકની હોસ્પિટલ ખસેડવામાં આવ્યો access_time 4:34 pm IST

  • વહેલી સવારે પાલનપુર નજીક પેસેન્જર ટ્રેનમાં મુસાફરો લૂંટાયા :બાંદ્રાથી ચંડીગઢ જતી 22451 નંબરની ટ્રેનમાં બની ઘટના :પાલનપુર નજીક રેલવે ચેઈન પુલિંગ કરી લૂંટારા ફરાર:અંદાજીત દોઢ કલાક પેસેન્જરો પાલનપુર નજીક અટવાયા :જીઆરપીએફ અને આરપીએફ પોલીસે ઘટનાસ્થળ પર પહોંચી હાથ ધરી તપાસ :લૂંટની વિગત પોલીસ મેળવી રહી છે :પાલનપુર રેલ્વે પોલીસે હાથ ધરી તપાસ access_time 12:14 pm IST

  • અમદાવાદના વેજલપુરમાં બાળકી સાથે દુષ્કર્મ : અમદાવાદમાં ૮ વર્ષની બાળકી સાથે દુષ્કર્મનો મામલે વેજલપુર પોલીસે આરોપી ફરહાન નુર મહંમદની ધરપકડ કરી વધુ કાર્યવાહી હાથ ધરીઃ પાડોશીએ ઘરમા બાળકીને રમવા બોલાવીને આચર્યું દુષ્કર્મ access_time 3:54 pm IST