Gujarati News

ગોંડલ તા. ૧૯ : તાલુકાના મોવિયા ગામે ટ્રકમાંથી બિયરનો જથ્થો તાલુકા પોલીસે ઝડપી લીધો હતો.

મળતી વિગતો મુજબ ગોંડલ તાલુકાના મોવિયા ગામ પાસે આવેલ ઠંડાપીણાની ફેકટરી પાસે બોટલો ભરવા આવેલ ટ્રકમાં વિપુલ પ્રમાણમાં બિયરનો જથ્થો હોવાની જાણ તાલુકા પોલીસને કરતા પીઆઇ અજયસિંહ જાડેજા તથા પીએસઆઇ હરિયાણી, હરિચન્દ્રસિંહ ઝાલા, ધર્મેન્દ્રસિંહ જાડેજા, દિગ્વિજયસિંહ ઝાલા, પ્રણવભાઈ વાલાણી, પ્રકાશભાઈ પરમાર સહિતનાઓ દોડી ગયા હતા અને ટ્રકની તલાશી લેતા તેમાંથી બિયર ટીન ૯૩૬ નંગ કી.રૂ. ૯૩૬૦૦ તથા એક મોબાઈલ કી.રૂ. ૩૦૦૦ તથા આઇસર ગાડી નં. GJ03AT ૨૮૦૪ કી.રૂ. ૫ લાખ કુલ મળીને ૫૯૬૬૦૦ મુદ્દામાલ કબ્જે કરી ટ્રક ચાલક શોકતભાઈ સલીમભાઈ જલાલ જાતે ફકીર રહે કોઠારીયા સોલ્વન્ટ રાજકોટ ની ધરપકડ કરી વધુ પૂછપરછ હાથ ધરી હતી. જયારે એક શખ્સ નાશી છૂટ્યો હોય તેને ઝડપવા ચક્રો ગતિમાન કર્યા હતા.