Gujarati News

મોરબી જીલ્લામાં ફરજ બજાવતા ત્રણ પી આઈ ની આંતરિક બદલી કરવામાં આવી છે તો એલસીબી પી આઈને વધારાનો હળવદનો ચાર્જ સોપવામાં આવ્યો હોવાની માહિતી મળી છે
  મોરબી SPના આદેશથી મોરબી જીલ્લા પોલીસ દળમાં ફરજ બજાવતા બિન હથિયારી પોલીસ ઇન્સ્પેક્ટર એચ.વી.ઘેલાની વહિવટી કારણોસર કંટ્રોલ રૂમ(લીવ રીઝર્વ), મોરબી ખાતેથી IUCAW મોરબી ખાતે નિમણુંક કરવામાં આવી છે. અને પોલીસ ઇન્સ્પેક્ટ એચ.એમ.વ્યાસને લીવ રીઝર્વ, IUCAW મોરબીના વધારાના ચાર્જમાંથી મુક્ત કરવામાં આવ્યા છે.
  હળવદ પોલીસ મથક ખાતે ફરજ બજાવતા પોલીસ ઇન્સ્પેક્ટર કે.એમ.છાસીયાને લીવ રીઝર્વ પર મૂકવામાં આવ્યા છે. અને તેમનો ચાર્જ મોરબી એલ.સી.બી. પોલીસ મથકના પોલીસ ઇન્સ્પેક્ટર ડી.એમ.ઢોલને સોપવામાં આવ્યો છે. જેથી હવે પોલીસ ઇન્સ્પેક્ટર ડી.એમ.ઢોલ એલ.સી.બી. પોલીસ સાથે હળવદ પોલીસ મથકનો વધારાનો ચાર્જ પણ સંભાળશે.