Gujarati News

Gujarati News

News of Monday, 19th August 2019

સુત્રાપાડાના કદવાર હીરાકોટ પોર્ટ પર બોટ દૂર લેવા મામલે માછીમાર બંધુ પર હુમલોઃ એક ગંભીર

સલિમ ભેંસલીયા અને અસલમ ભેંસલીયાને રાજકોટથી વધુ સારવાર માટે અમદાવાદની હોસ્પિટલમાં ખસેડાયાઃ ઇસ્માઇલ સહિત ૮ શખ્સોએ કુહાડી-પાઇપથી હીચકારો હુમલો કર્યો

રાજકોટ તા. ૧૯: સુત્રાપાડા ગીરના કદવાર હીરાકોટ પોર્ટ પર બોટ દૂર લેવા મામલે માથાકુટ થતાં બે માછીમાર ભાઇઓ પર અન્ય માછીમારોએ કુહાડી, પાઇપથી હીચકારો હુમલો કરતાં બંનેને ઇજાઓ થતાં સુત્રાપાડા, વેરાવળ, જુનાગઢ સારવાર અપાવી રાજકોટ સિવિલમાં અને અહિથી વધુ સારવાર માટે અમદાવાદ ખસેડાયા છે. જેમાં એકની હાલત ગંભીર છે.

જાણવા મળ્યા મુજબ કદવારમાં રહેતાં અને માછીમારી કરતાં સલિમ જાફરભાઇ ભેંસલીયા (ઉ.૨૫) તથા અસલમ જાફરભાઇ ભેંસલીયા (ઉ.૩૦) સાંજે પોતાની બોટ દરિયામાં લઇ જવા હીરાકોટ પોર્ટ પર તૈયારીમાં હતાં ત્યારે અન્ય માછીમારો ઇસ્માઇલ હાસમ, કાસમ હાસમ, સિદી હાસમ, અયુબ હાસમ, સુલેમાન હાસમ, સોયેબ સિદી, કારા અયુબ, રહિમ સુલેમાન સહિતે કુહાડી-પાઇપથી હુમલો કરી માથા-શરીરે ઇજાઓ કરતાં સુત્રાપાડા, વેરાવળ, જુનાગઢ સારવાર અપાવી રાજકોટ ખસેડાતાં હોસ્પિટલ ચોકીના ડી. કે. ખાંભલા અને દિપસિંહ ચોૈહાણે મરીન પોલીસ સ્ટેશનને જાણ કરી હતી.

રાજકોટથી બંને ભાઇઓને વધુ સારવાર માટે અમદાવાદ ખસેડાયા છે. બંનેના ભાઇ અમિનભાઇ જાફરભાઇના કહેવા મુજબ સલિમ અને અસલમ બોટ લઇને દરિયામાં જવું હોઇ બંદરે હતાં ત્યારે ઇસ્માઇલે પોતાની બોટ આડી રાખી દીધી હતી. તેને બોટ દૂર લેવાનું કહેતાં હમણા આવું...તેમ કહી બે કલાક સુધી આવ્યો નહોતો. પછીથી તે આવતાં તેને સમજાવતાં ઝઘડો કરી પોતાના સગાઓ સાથે મળી હુમલો કર્યો હતો. જેમાં સલિમ હજુ આજ સવાર સુધી ભાનમાં આવ્યો નથી.

(11:55 am IST)
  • ૪૦૦ કરોડથી વધુ ટર્નઓવર ધરાવતી કંપનીઓનો કોર્પોરેટ ટેક્સ તબક્કાવાર ઘટાડીને ૨૫ % કરી નખાશે: નાણામંત્રી નિર્મલા સીતારમનની જાહેરાત:ભારતના સંપત્તિ સર્જક સાહસિકો ઉદ્યોગપતિઓને તમામ પ્રકારનો ટેકો અપાશે access_time 9:11 pm IST

  • પૂછ-રાવલકોટ બસ સેવા સ્થગિત ;ચાકન દા બાગ ક્રોસિંગ પાસે 65 ટ્રક ફસાયા :પાકિસ્તાન કબ્જાગ્રસ્ત અને જમ્મુ કશ્મીર વચ્ચે દોડતી બસ પૈગામ એ અમન સ્થગિત :પાકિસ્તાનના ચાકન દા બાગ ગ (જમ્મુ કાશ્મીર )થી રાવલ કોટ (પાક,કબ્જાગ્રસ્ત કાશ્મીર )વચ્ચે ચાલતી આ બસ ફરી ક્યારે શરૂ થશે તેની કોઈ જાણકારી આવી નથી access_time 1:00 am IST

  • માતૃભૂમિના ભાગલા પાડનાર તમામ લોકો ગુનેગાર છે : જમ્મુ કાશ્મીરમાં 370 મી કલમ અમલી કરનાર ભારતના પ્રથમ વડાપ્રધાન નેહરુને ગુનેગાર ગણાવ્યા : ભોપાલના ભાજપના સાંસદ સાધ્વી પ્રજ્ઞા ઠાકુરએ શિવરાજ સિંહના મંતવ્યને સમર્થન આપ્યું : નરેન્દ્ર મોદી તથા અમિત શાહના સમર્થકોને ખરા દેશભક્ત ગણાવ્યાં access_time 8:05 pm IST