Gujarati News

Gujarati News

News of Monday, 19th August 2019

કચ્છમાં ઉર્ષના ઝુલુસમાં જાહેરમાં ફાયરીંગ કરનારા ૩ ઝડપાયા

સોશ્યલ મીડિયામાં વાયરલ થયેલા વીડિયોને પગલે ગાંધીધામના ખારીરોહર ગામે બનેલા ફાયરિંગના બનાવમાં પોલીસે હથિયારો સહિત ત્રણ શખ્સોને ઝડપ્યા

ભુજ, તા.૧૯: છેલ્લા બે દિવસથી કચ્છમાં જાહેરમાં ફાયરિંગ કરવાના બનેલા બનાવના દ્રશ્યોએ સોશ્યલ મીડિયામાં તરખાટ મચાવ્યો હતો. ચર્ચાનું કેન્દ્ર બનેલા ફાયરિંગના આ બનાવમાં એક શખ્સ દ્વારા રિવોલ્વર અને અન્ય બે શખ્સો દ્વારા ડબલ બેરલ બંદૂકથી ફાયરિંગ કરવાનો વીડીયો ફરતો થયા બાદ પૂર્વ કચ્છ પોલીસ હરકતમાં આવી હતી. ચર્ચા પ્રમાણે આ વીડિયો ગાંધીધામ નજીક યોજાતા ઉર્સના ઝુલુસનો હોવાનું ખુલ્યા બાદ પૂર્વ કચ્છ પોલીસે સપાટો બોલાવીને બંદૂકના ભડાકા દ્વારા શ્નઉઁલૃ પડાવનાર શખ્સોને કાયદાનો દંડો દેખાડી તેમના હોશ ઠેકાણે લાવી દીધા છે. ગાંધીધામ બી ડીવીઝન પોલીસે બકરીઈદના તહેવાર બાદ ખારીરોહર ગામે યોજાતા ત્રણ દિવસના ઉર્સમાં બનેલા બનાવમાં જાહેરમાં ફાયરિંગ કરનારા ત્રણ શખ્સોની ધરપકડ કરી લીધી છે. ઉર્સ દરમ્યાન ચાદર ચડાવવા માટે નીકળેલા ઝુલુસમાં ડીજે ના તાલે ચાલતા નાચગાન દરમ્યાન તાનમાં આવીને હાજી યાકુબ જંગિયા, અબ્બાસ ઇબ્રાહિમ જંગિયા અને જુસબ ખમીસા કટિયાએ પોતાની પરવાનાવાળી રિવોલ્વર અને બંદૂક માંથી હવામાં ફાયરિંગ કર્યું હતું. પોલીસે આ ત્રણેય શખ્સો સામે હથિયારધારા હેઠળ અલગ અલગ ગુનો નોંધીને ફાયરિંગમાં વપરાયેલ રિવોલ્વર તેમ જ બંદૂક કબ્જે કરી છે. આ શખ્સોના હથિયારના પરવાના રદ્દ કરવાની કાર્યવાહી પણ શરૂ કરાઇ છે. ગાંધીધામ બી ડીવીઝન પીઆઈ જે.પી. જાડેજા અને સ્ટાફે કાયદેસરની કાર્યવાહી સાથે આ ત્રણેય ઇસમોની ધરપકડ કરી હતી.

(11:55 am IST)
  • હોંગકોંગમાં લોકતંત્ર સમર્થકોના જવાબમાં ચીન સમર્થક પ્રદર્શકારીઓની રેલી ;હોંગકોંગમાં લોકતંત્ર સમર્થક કાર્યકરો દ્વારા ફરીવાર મોટી માર્ચનું કરશે આયોજન access_time 12:58 am IST

  • ભારતની ટોચની દોડવીર હિમા દાસએ જીત્યો છઠ્ઠો ગોલ્ડ ;હિમાદાસ અને મોહમ્મદ અનસે ચેક રિપબ્લિકની એથલેટિક મિટિનેક રેટર ઇવેન્ટમાં જીત્યો ગોલ્ડમેડલ : પુરુષો અને મહિલાઓની 300 મીટર ઇવેન્ટ્સમાં બંનેએ ગોલ્ડ મેડલ હાંસલ કર્યા :.2 જુલાઇથી યુરોપિયન ઇવેન્ટ્સમાં હિમાનું આ છઠ્ઠું ગોલ્ડ મેડલ : અનસે 32.41 સેકન્ડના સમય સાથે પુરુષોની 300 મીટરની દોડ જીતી access_time 9:15 am IST

  • ૪૦૦ કરોડથી વધુ ટર્નઓવર ધરાવતી કંપનીઓનો કોર્પોરેટ ટેક્સ તબક્કાવાર ઘટાડીને ૨૫ % કરી નખાશે: નાણામંત્રી નિર્મલા સીતારમનની જાહેરાત:ભારતના સંપત્તિ સર્જક સાહસિકો ઉદ્યોગપતિઓને તમામ પ્રકારનો ટેકો અપાશે access_time 9:11 pm IST