Gujarati News

Gujarati News

News of Tuesday, 18th May 2021

મોરબી જલારામ મંદીર દ્વારા કોરોનાગ્રસ્ત મૃતદેહો તથા બિનવારસી મૃતદેહોના અસ્થિઓનુ ગ્રહણ પહેલા સોમનાથ ત્રિવેણી સંગમ ખાતે સામુહીક અસ્થિ વિસર્જન કરવામા આવશે

અસ્થિ વિસર્જીત ન કરી શકેલ હોય તેવા પરિવારજનોએ પોતાના દીવંગતો ના અસ્થિ શહેર ના વિવિધ સ્મશાને સંસ્થા ના અસ્થિ કુંભ મા પધરાવવા અનુરોધ

મોરબી : વિવિધ પ્રકાર ની માનવસેવા પ્રદાન કરતા મોરબી ના શ્રી જલારામ પ્રાર્થના મંદીર દ્વારા   બિનવારસી મૃતદેહો ના અંતિમ સંસ્કાર હીન્દુ શાસ્ત્રોક્ત વિધી મુજબ કરવા મા આવે છે તે ઉપરાંત તેમના અસ્થિઓ નુ સોમનાથ મુકામે ત્રિવેણી સંગમ મા સામૂહીક વિસર્જન કરવા મા આવે છે. તેમજ જે લોકો પોતાના સ્વજનો ના અસ્થિઓનુ વિસર્જન ન કરી શકેલ હોય તેમના અસ્થિઓ નુ વિસર્જન પણ સંસ્થા દ્વારા કરવા મા આવે છે.

    હીન્દુ ધર્મ ની પરંપરા મુજબ દીવંગતો ના આત્મા ની શાંતિ અર્થે ગ્રહણ પહેલા અસ્થિઓ નુ વિસર્જન કરવુ અનિવાર્ય હોય છે ત્યારે આગામી તા.૨૬-૫ ના રોજ ચંદ્રગ્રહણ હોય મોરબી જલારામ મંદીર દ્વારા તા.૨૩-૫-૨૦૨૧  ના રોજ સોમનાથ મુકામે પવિત્ર ત્રિવેણી સંગમ મા કોરોનાગ્રસ્ત તથા બિનવારસી મૃતદેહો ના અસ્થિઓ નુ સામૂહીક અસ્થિ વિસર્જન કરવા મા આવશે. તા.૨૨-૫-૨૦૨૧ ના રોજ મોરબી ના તમામ સ્મશાને થી અસ્થિઓ એકત્રિત કરી વિદ્યુત સ્મશાન ખાતે લઈ જવા મા આવશે જ્યાં શાસ્ત્રોક્ત વિધી સંપન્ન થયા બાદ સંસ્થા ના અગ્રણીઓ સોમનાથ જવા રવાના થશે. જે કોઈ વ્યક્તિઓ પોતાના સ્વજનો ના અસ્થિઓ વિસર્જીત કરી શકેલ ન હોય તેમણે આગામી તા.૨૨-૫-૨૦૨૧ સુધી મા શહેર ના વિવિધ સ્મશાન ખાતે જલારામ મંદીર  ના અસ્થિ કુંભ મા પધારાવવા વિનંતી.
        આ ભગીરથ કાર્ય મા સંસ્થા ના અગ્રણી ગીરીશ ભાઈ ઘેલાણી, હીતેશ જાની, હરીશભાઈ રાજા, ચંદ્રવદનભાઈ પુજારા, પ્રતાપભાઈ ચગ, ભાવીન ઘેલાણી, અનિલભાઈ સોમૈયા, અમિત પોપટ(પોપટ પાન), નંદલાલ રાઠોડ, દીનેશ સોલંકી સહીત ના જોડાશે. તેમ મોરબી જલારામ સેવા મંદિરના પ્રમુખ નિર્મિત કક્કડ ની યાદીમાં જણાવાયું છે.

(12:47 am IST)
  • તૌકતે તોફાનની અસરને કારણે દિલ્હી-એનસીઆરનું હવામાન નવા રેકોર્ડ સ્થાપિત કરી રહ્યું છે. બુધવારે દિવસભર ચાલતા અવિરત વરસાદને કારણે છેલ્લા 70 વર્ષોમાં મહત્તમ તાપમાન આજે 23.8 ડિગ્રી નોંધાયું હતું. અગાઉ આ રેકોર્ડ વર્ષ 1951 માં તૂટ્યો હતો. આજે દિવસભર દિલ્હી-એનસીઆરમાં રિમઝીમ વરસાદ ચાલુ રહ્યો હતો. આજે સાંજનાં 5:30 સુધીમાં 31.3 મીમી વરસાદ નોંધાયો છે. હવામાન વિભાગે આગાહી કરી છે કે આગામી 24 કલાક સુધી પણ વરસાદ ચાલુ રહી શકે છે access_time 12:03 am IST

  • જામનગરની જી.જી હોસ્પિટલ ના નર્સિંગ કર્મચારીઓ દ્વારા હડતાલ ૨૫ મેં સુધી મોકૂફ રાખવામાં આવી છે : 25 મે પછી આગામી રણનીતિ ઘડશે access_time 10:31 pm IST

  • ભારતમાં છેલ્લા 24 કલાકમાં 20 લાખથી વધુ કોરોના પરીક્ષણ: કેન્દ્રીય આરોગ્ય મંત્રાલયે કહ્યું કે, સમગ્ર ભારતમાં છેલ્લા 24 કલાકમાં 20 લાખથી વધુ કોરોના પરીક્ષણો કરાયા હતા. બીજી બાજુ, સકારાત્મક બાબત એ છે કે પોઝિટિવિટી રેટ 13.31% પર આવી ગયો છે. access_time 11:15 pm IST