Gujarati News

Gujarati News

News of Monday, 19th April 2021

ખંભાળિયાના દર્દીને જામનગર મુકવા જતી એમ્‍બ્‍યુલન્‍સને ખાવડી પાસે અકસ્‍માત ૧ યુવાનનું મોત

(કૌશલ સવજાણી દ્વારા) ખંભાળિયા તા. ૧૯: શકિતનગરનાં રહેવાસી અનીલભાઇ કછટીયા પોતાની ખાનગી એમ્‍બ્‍યુલન્‍સ ચલાવે છે તેમાં ગત રાત્રીના એક મહિલા દર્દીને જામનગર મુકવા જવાનું હોય પાછા એકલા ના આવવું પડે તે ન્‍યાયે તેના કુટુંબી મિત્ર અંશ વિજયભાઇ કછટીયા રહે. સ્‍ટેશન રોડ પાસે યોગેશ્‍વરનગર વાળા ર૧ વર્ષના યુવાનને સાથે લીધેલો. રાત્રે ખંભાળિયાથી જામનગર જતાં રીલાયંસ કંપની પાસે ખાવડી પાસે ચાલક અનિલભાઇથી ઇકો કાર એમ્‍બ્‍યુલન્‍સ ઝાડ સાથે ધડાકાભેર અથડાતા તેમાં બેઠેલા અંશ કછટીયા ઉ. ર૧ ને ગંભીર ઇજા થવાથી તેનું મોત નિપજયું હતું. જયારે અનીલનો સામાન્‍ય ઇજા ફ્રેકચર થયું હતું. મૃતક અપરણિત હતો. બનાવની જાણ થતાં જિ. પં. સદસ્‍ય સંજયભાઇ હરિભાઇ નકુમ ગાડી તથા સ્‍વયંસેવકો સાથે ઘટના સ્‍થળે પહોંચીને ઇજાગ્રસ્‍તો તથા મૃતકની વ્‍યવસ્‍થા કરાવી હતી.

(4:40 pm IST)
  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • ઈન્ડિયન પ્રીમિયર લીગની 14 મી આવૃત્તિની મધ્યમાં ચેન્નાઈ સુપર કિંગ્સ માટે ખરાબ સમાચાર સામે આવ્યા છે. ટીમના સ્પિન કોચ મુથૈયા મુરલીધરનની તબિયત અચાનક બગડી હતી અને ત્યારબાદ તેને ચેન્નઈની એપોલો હોસ્પિટલમાં દાખલ કરવામાં આવ્યા છે. જાણવા મળ્યું છે કે તેની છાતીમાં અચાનક દુખાવો થયો હતો, ત્યારબાદ તેને હોસ્પિટલમાં દાખલ કરવામાં આવ્યા હતા. access_time 11:02 pm IST

  • દિલ્હીમાં આજે રાતથી અઠવાડીયાનું લોકડાઉન : પાટનગર દિલ્હીમાં કોરોના બેફામ બનતા મુખ્યમંત્રી અરવિંદ કેજરીવાલે આજે રાત્રે ૧૦ વાગ્યાથી આવતા સોમવારે સવારે ૫ સુધીનું લોકડાઉન જાહેર કર્યુ છે : આમ દિલ્હીમાં ઍક અઠવાડીયાનું સજ્જડ લોકડાઉન જાહેર થયુ છે access_time 12:11 pm IST