Gujarati News

Gujarati News

News of Monday, 19th April 2021

જામનગરના સ્‍મશાનમાં હારબંધ સળગતી ચીતાઓ કાળમુખા કોરોનાની ભયાનકતા દર્શાવે છે

જામનગર : જામનગરમાં કોરોના ‘કાળ'નો પર્યાય બની ગયો છે. સ્‍મશાનમાં એક ચિતા ઠેર નહીં ત્‍યાં બીજી ચિતા સળગવા લાગે છે. જી.જી. હોસ્‍પિટલમાં કાર્યરત સરકારી કોવિડ હોસ્‍પિટલ હાઉસ્‍ફૂલ થઇ ગઇ છે. ત્‍યાં એક પણ નવા દર્દીને સમાવી શકાય એમ નથી. સમગ્ર પરિસ્‍થિતી જોતા જામનગરમાં કોરોના ઇમરજન્‍સીની સ્‍થિતી સર્જાઇ છે એમ કહી શકાય. તંત્રના તમામ પ્રયાસો વામણા સાબિત થઇ રહ્યા છે. કોઇ પણ રીતે કોરોનાથી થતા મૃત્‍યુ અટકાવવા જોઇએ નહીંતર જામનગરને ‘યમનગર' બનતા વાર નહીં લાગે. કોરોનાની બીજી લહેરમાં વધુ કાળમુખો બની ગયફો છે. ત્‍યારે કોરોનાથી બચવા એ જ એકમાત્ર ઉપાય સમજી સાવધાની રાખવાની જરૂર છે. પ્રસ્‍તુત તસ્‍વીરમાં જામનગરનાં સ્‍મશાનમાં હારબંધ સળગતી ચિતાઓનું દ્રશ્‍ય હૃદય હચમચાવી દેનારૂ છે. (અહેવાલ : મુકુંદ બદિયાણી, તસ્‍વીરઃ નિર્મલા કારીયા)

(1:41 pm IST)
  • "સિસ્ટમનું પતન થશે" : યુ.પી. માં અલ્હાબાદ હાઇકોર્ટ આકરાપાણીએ : ઉત્તરપ્રદેશના પાંચ શહેરોમાં 26 એપ્રિલ સુધી લોકડાઉન નો આદેશ કર્યો : સરકારની ઝાટકણી કાઢતા કોર્ટે કહ્યું, "લખનૌમાં મુખ્ય પ્રધાન પણ આઇસોલેશનમાં છે. જો લોકપ્રિય સરકારની રોગચાળા દરમિયાન જાહેર હિલચાલની તપાસ ન કરવાની પોતાની રાજકીય મજબૂરી હોય, તો આપણે ફક્ત નિષ્ક્રિય દર્શકો તરીકે જોઈ શકીએ નહીં! access_time 6:10 pm IST

  • કેન્દ્ર સરકાર દ્વારા COVID-19 દર્દીઓની માંગને પહોંચી વળવા ઉદ્યોગોને ઓક્સિજનના સપ્લાય પર પ્રતિબંધ મુક્યો access_time 10:09 pm IST

  • ઓડિશામાં કુંભમેળામાંથી પરત ફરનારા માટે RT-PCR ટેસ્ટ અને 14 દિવસ હોમ ક્વોરન્ટાઈન લોકો પોતાના ઘરે કે પછી ક્વોરન્ટાઈન સેન્ટરમાં પણ સમય પુરો કરીને ઘરે જઈ શકે ઓડિશા સરકારે પણ કુંભમાંથી પરત ફરનારાઓ માટે 14 દિવસ હોમ ક્વોરન્ટાઈન સાથે RT-PCRનો ટેસ્ટ ફરજીયાત કરી નાખવામાં આવ્યો છે. લોકો પોતાના ઘરે કે પછી ક્વોરન્ટાઈન સેન્ટરમાં પણ સમય પુરો કરીને ઘરે જઈ શકે છે access_time 1:45 pm IST