Gujarati News

Gujarati News

News of Monday, 19th April 2021

મોરબીમાં કોરોના સામે લડતમાં ઝીલોટ ગૃપ દ્વારા ૧૦ લાખની સહાય

સંકટ સમયે મોહનભાઇ કુંડારીયાની ઉદ્યોગપતિઓને આહવાનને પ્રતિસાદ

(પ્રવિણ વ્‍યાસ દ્વારા) મોરબી તા.૧૯ : મોરબીના પીઢ અગ્રણી, સંસદસભ્‍ય એવા મોહનભાઇ કુંડારિયા સોશ્‍યલ મીડિયા દ્વારા ઉદ્યોગપતિઓને આ કોરોનાની મહામારી અનુસંધાને યેનકેન પ્રકારે લોકોને ઉપયોગી થવા આહવાન કરેલ તેનાથી પ્રેરાઇને મોરબીના અગ્રણી ઉદ્યોગપતિ એવા ઝીલોટ ગ્રૂપના ડી. સી. પટેલ મોહનભાઈને સામેથી ફોન કરીને કહ્યું કે તમારા આહવાનથી પ્રેરાઇને, તમારા માર્ગદર્શન હેઠળ રૂ. ૧૦,૦૦,૦૦૦/- (દસ લાખ) જેવું ડોનેશન આપવા ઇચ્‍છું છું તો ક્‍યાં કેવી જરૂરિયાત છે તે મને જણાવો.

મોહનભાઇએ કોરોના રેપીડ ટેસ્‍ટ કીટની જરૂરિયાત હોવાનું જણાવ્‍યું હતું જેથી ડી. સી. પટેલ ૧૦,૦૦૦ કિટ (૧૦ લાખ રૂપીયા) મોરબીમાં મોહનભાઈના નેજા હેઠળ સમર્પણ કરવાનું જાહેર કરેલ. જેથી મોરબીના કોઈપણ હેલ્‍થ સેન્‍ટરમાં દ્યટ ન પડે તેવું આયોજન કરેલ છે. મોરબી સીટી કરતાં ગ્રામ્‍ય વિસ્‍તારના આરોગ્‍ય કેન્‍દ્રમાં વધુ જરૂરિયાત છે તેથી આ બાબતે આયોજન કરી મોહનભાઇ પોતાની દેખરેખ હેઠળ રેપિડ ટેસ્‍ટ કિટ દરેકને પહોંચતી કરશે.

(1:01 pm IST)
  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST

  • "સિસ્ટમનું પતન થશે" : યુ.પી. માં અલ્હાબાદ હાઇકોર્ટ આકરાપાણીએ : ઉત્તરપ્રદેશના પાંચ શહેરોમાં 26 એપ્રિલ સુધી લોકડાઉન નો આદેશ કર્યો : સરકારની ઝાટકણી કાઢતા કોર્ટે કહ્યું, "લખનૌમાં મુખ્ય પ્રધાન પણ આઇસોલેશનમાં છે. જો લોકપ્રિય સરકારની રોગચાળા દરમિયાન જાહેર હિલચાલની તપાસ ન કરવાની પોતાની રાજકીય મજબૂરી હોય, તો આપણે ફક્ત નિષ્ક્રિય દર્શકો તરીકે જોઈ શકીએ નહીં! access_time 6:10 pm IST

  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST