Gujarati News

Gujarati News

News of Monday, 19th April 2021

મોરબી સિવીલ હોસ્‍પિટલના ડો.અશ્વીન ટાંકનું અમદાવાદ સારવાર દરમિયાન મૃત્‍યુ

(પ્રવિણ વ્‍યાસ દ્વારા)મોરબી,તા. ૧૯:  સિવીલ હોસ્‍પિટલમાં ફરજ બજાવતા ડો. અશ્વિન ટાંકનું અમદાવાદ સારવાર દરમ્‍યાન ગતરાત્રીના મૃત્‍યુ નિપજયું હતું.

મુળ સુપેડી તાઃ  ધોરાજીના વતની અને સીએચસી વંથલીથી તાઃ- ૦૨/૦૧/૨૦૧૦થી બદલી થઈ મોરબી ફરજમાં મુકાયેલા અને ત્‍યારથી મોરબી સિવીલ હોસ્‍પિટલ માં ફરજ બજાવતા સિનિયર ડોકટર અશ્વીન ટાંકને તાઃ ૨૦/૩ ના રોજ તબિયત લથડતા તાત્‍કાલિક અમદાવાદ એસવીપી હોસ્‍પિટલ માં સારવાર માં ખસેડવામાં આવ્‍યા હતા. જયા સારવાર દરમ્‍યાન ગતરાત્રીના મૃત્‍યુ નીપજયું હતું જો કે ઉલ્લેખનીય છે કે ડો.ટાંક કોરોના સંક્રમિત થયા હોય અને સારવાર ચાલુ હોય દરમિયાન તેનું મૃત્‍યુ નીપજયું હોવાની માહિતી મળી હતી.ડો ટાંકના મૃત્‍યુના સમાચારને પગલે મોરબી સિવીલ હોસ્‍પિટલમાં દુઃખની લાગણી ફેલાઈ છે.

(1:03 pm IST)
  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • દિલ્હીમાં આજે રાતથી અઠવાડીયાનું લોકડાઉન : પાટનગર દિલ્હીમાં કોરોના બેફામ બનતા મુખ્યમંત્રી અરવિંદ કેજરીવાલે આજે રાત્રે ૧૦ વાગ્યાથી આવતા સોમવારે સવારે ૫ સુધીનું લોકડાઉન જાહેર કર્યુ છે : આમ દિલ્હીમાં ઍક અઠવાડીયાનું સજ્જડ લોકડાઉન જાહેર થયુ છે access_time 12:11 pm IST

  • અભિનેતાથી રાજકારણી બનેલા મિથુન ચક્રવર્તી રવિવારે બંગાળના રાયગંજમાં તેમના ચૂંટણી પ્રચાર દરમિયાન અચાનક તેમની તબિયત બગડી હતી. તેમને કોલકાતાની હોસ્પિટલમાં લઈ જવામાં આવ્યા હતા. તાજેતરમાં જ વડા પ્રધાન નરેન્દ્ર મોદીની હાજરીમાં એક રેલી દરમિયાન ભાજપમાં જોડાયેલા મિથુન ચક્રવર્તીને પ્રચાર સભામાં ખુબજ બેચેની અનુભવતા, હોસ્પિટલમાં ખસેડાયા હતા. ડોકટરોના જણાવ્યા મુજબ મિથુન ચક્રવર્તીની તબિયત પાછળ ડિહાઇડ્રેશનની આશંકા છે. access_time 11:15 pm IST