Gujarati News

Gujarati News

News of Monday, 19th April 2021

ગોંડલમાં લોકડાઉનનો ભય દૂર કરવા મીટીંગ :

ગોંડલ :  માર્કેટિંગ યાર્ડ તેમજ શહેર અને પંથકમાં સ્થાનિક તેમજ પરપ્રાંતીય શ્રમિકો બહોળી સંખ્યામાં રોજીરોટી કમાતા હોય કોરોના કાળમાં ખોટી અફવાઓ થી પ્રેરાઇ ને વતન તરફ દોટ મૂકી હેરાન થઈ રહ્યા હોય માર્કેટીંગ યાર્ડના ચેરમેન ગોપાલભાઈ શિંગાળા, વાઇસ ચેરમેન કનકસિંહ જાડેજા અને સીટી પોલીસ ઇન્સ્પેકટર એસ એમ જાડેજા દ્વારા પરપ્રાંતીય શ્રમિકો સાથે લોકડાઉન નો ભય દૂર કરવા મિટિંગ યોજવામાં આવી હતી, જેમાં રાજેસ્થાની મજૂરના આગેવાન મહેરારામ સાઈબારામ બેલું હાજર રહ્યા હતા અને જણાવવામાં આવ્યું હતું કે લોકડાઉન થવાનું નથી, ખોટી અફવાઓથી કે સોશિયલ મીડિયા ના ખોટા મેસેજથી પ્રેરાઇ આમતેમ કે વતન તરફ દોટ મૂકશો નહીં, સ્થાનિક પ્રશાસન અને પોલીસ તંત્ર હંમેશા આપની સાથે છે અને રહેશે હાલ જયાં છો ત્યાં જ રહો સોશિયલ ડિસ્ટન્સ અને સરકારી ગાઈડ લાઈન નું પાલન કરી રોજીરોટી કમાતા રહેશો શ્રમિકોએ પણ સંતોષ વ્યકત કર્યો હતો અને ખોટી અફવાઓથી પ્રેરાશે નહીં તેવું જણાવ્યું હતું. મીટીંગ મળી તે તસ્વીર.

(12:15 pm IST)
  • નવા કૃષિ કાયદાઓ પાછા ખેંચવાની માગણી સાથે છેલ્લા ઘણા મહિનાથી ગાઝિયાબાદની યુપી ગેટ બોર્ડર પર વિરોધ કરી રહેલા ખેડૂત નેતાઓનું જોમ ઘટી રહેલ જોવા મળી રહ્યું છે. કોરોના રોગચાળાની બીજી લહેરનો ભય ત્યાં પણ દેખાય રહ્યો છે. ધારણામાં ખેડુતોની સંખ્યા પણ ખૂબ ઓછી દેખાય રહી છે. દરમિયાન, ગાઝિયાબાદ પોલીસની સાથે દિલ્હી પોલીસ NH -9 નો એક ભાગ ખોલી રહી છે. પોલીસ અધિકારીઓનું કહેવું છે કે, કોરોના દર્દીઓ લઇને ચાલી રહેલી એમ્બ્યુલન્સ સેવાઓ ચલાવવામાં કોઈ અવરોધ ન આવે તે માટે આ કાર્યવાહી કરવામાં આવી રહી છે. access_time 9:36 am IST

  • દેશમાં રોકેટ ગતિથી ફેલાયેલ કોરોના મહામારીની સમીક્ષા કરવા માટે વડાપ્રધાન નરેન્દ્રભાઈ મોદીઍ અત્યારે સવારે ૧૧:૩૦ કલાકે કેન્દ્ર સરકારના અધિકારીઓની ઉચ્ચ સ્તરીય તાકીદની બેઠક બોલાવી છે access_time 11:20 am IST

  • કેન્દ્ર સરકાર દ્વારા COVID-19 દર્દીઓની માંગને પહોંચી વળવા ઉદ્યોગોને ઓક્સિજનના સપ્લાય પર પ્રતિબંધ મુક્યો access_time 10:09 pm IST