Gujarati News

Gujarati News

News of Monday, 19th April 2021

ગોંડલમાં એકિટવાની ડેકીમાંથી રૂા. ૨,૯૫,૦૦૦ હજારની ચોરી

વેપારીના માતા કોરોનામાં સપડાયા હોય સગા વાલા પાસેથી હાથ ઉછીના રૂપિયા ભેગા કર્યા હતા અને હોસ્‍પિટલ ડિપોઝીટ ભરવા જતા હતા

ગોંડલ,તા. ૧૯: ગુજરાતીમાં કહેવત ‘દાઝ્‍યા પર ડામ' જેવી ઘટના ગોંડલમાં બનવા પામી છે ગુંદાળા ચોકડી પાસે સુરતી આમલેટ નામની દુકાન ધરાવતા વેપારીના માતા કોરોનામાં સપડાયા હોય હોસ્‍પિટલ સંચાલકો ડિપોઝિટ પેટે રૂપિયા ભરવાનું જણાવતા સગા વહાલા સ્‍નેહી મિત્રો પાસેથી રૂ ત્રણ લાખ જેવી માતબર રકમ ભેગી કરી હોસ્‍પિટલમાં ભરવા જઈ રહ્યા હતા ત્‍યાં એક્‍ટિવાની ડેકીમાંથી ચોરી થઈ જતા બનાવ પોલીસ મથકે પહોંચ્‍યો હતો.

પ્રાપ્ત વિગતો મુજબ શહેરના ખોડિયાર નગરમાં રહેતા અને ગુંદાળા ચોકડી પાસે આમલેટ ની દુકાન ધરાવતા મનોજભાઈ નાથાભાઈ ઘાડીયા ના માતા લાભુબેન કોરોનામા સપડાયા હોય ખાનગી હોસ્‍પિટલમાં ડિપોઝિટ પેટે રૂપિયા ૩ લાખ જેવી માતબર રકમ ભરવાની હોય આવડી મોટી રકમ હાથ ઉપર ન હોય મનોજભાઈ દ્વારા સુરતના સગાવહાલા પાસેથી ઉછીના પૈસા મંગાવવામાં આવ્‍યા હતા અને આ રકમ એક્‍ટિવાની ડેકીમાં મૂકી હોસ્‍પીટલ જવાની તૈયારી કરતા હતા ત્‍યાં કોઈ અજાણ્‍યા શખ્‍સે ચોરી કરી લઇ જતા પોલીસ ફરિયાદ નોંધાવતા પીએસઆઈ બી એલ ઝાલાએ તપાસના ચક્રોગતિમાન કર્યા હતા.

ઘટના અંગે પીએસઆઇ બીએલ ઝાલાએ જણાવ્‍યું હતું કે તસ્‍કરો અવાર નવાર મનોજભાઇને દુકાને જમવા આવતા હોય છે તસ્‍કરો હાથવેંતમાં જ છે ગણતરીની કલાકોમાં જ ઝડપાઇ જશે અને તમામ રકમ રિકવર કરી લેવામાં આવશે તેઓ આશાવાદ વ્‍યક્‍ત કર્યો હતો.

 

(11:26 am IST)
  • રેલ્વે આ સાથેની સૂચિ મુજબના રાજ્યોમાં નિ:શુલ્ક ઓક્સિજન પૂરો પાડશે : મહારાષ્ટ્ર 1500 મેટ્રિક ટન, ઉત્તરપ્રદેશ 800 મેટ્રિક ટન, દિલ્હી 350 મેટ્રિક ટન, પંજાબ 300 મેટ્રિક ટન, છટ્ટીસગઢ 250 મેટ્રિક ટન, ગુજારાત 200 મેટ્રિક ટન, બિહાર 200 મેટ્રિક ટન, ઝારખંડ 200 મેટ્રિક ટન access_time 9:34 am IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST

  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST