Gujarati News

Gujarati News

News of Monday, 19th April 2021

હારશે કોરોના..જીતશે મોરબી : ગરબે ઝૂમી 'માં' ની આરાધના કરતા દર્દીઓ

મોરબી યંગ ઇન્ડિયા ગ્રૂપ સંચાલિત કોવિડ સેન્ટરમાં દર્દીઓના મનમાંથી કોરોનાનો હાઉ દૂર કરવાની અનોખી પહેલ

મોરબી : એનેકવિધ ખૂબીઓની સાથે ભારે ખુમારી ધરાવતા મોરબીવાસીઓએ ભૂતકાળમાં પણ બબ્બે કુદરતી આપતી વખતે ફિનિક્સ પંખીની જેમ રાખમાંથી બેઠા થઈને અકલ્પનિય વિકાસ કર્યો હતો તેનાથી સમગ્ર દેશ જ નહીં દુનિયા પણ પરિચત છે.ત્યારે આ મોરબીવાસીઓની લોહીમાં રહેલી ખુમારી સામે કોરોનાની શુ વિસાત ? ખરેખર મોરબીવાસીઓની ખુમારી નજરોનજર નિહાળવી હોય તો યંગ ઇન્ડિયા ગ્રૂપ સંચાલિત સર્વ સમાજ માટેના કોરોના કેર સેન્ટરની મુલાકાત લો તો આપોઆપ ખબર પડશે કે  કોરોના હોવા છતાં ત્યાંના હળવાફૂલ વાતાવરણથી દર્દીઓ કોરોનાને હરાવવા કેટલા કટિબદ્ધ છે.

મોરબીમાં કોરોનાની ગંભીર પરિસ્થિતિ વચ્ચે સર્વધર્મ સમભાવની ભાવના અખંડિત રાખીને તમામ સમાજના જરૂરિયાત મંદ દર્દીઓને તાત્કાલીક આરોગ્ય સુવિધા આપવા માટે જાણીતા યંગ ઇન્ડિયા ગ્રૂપે આગળ આવીને જિલ્લા વહીવટી તંત્રના સહયોગથી રફાળેશ્વર ખાતે આવેલ આદર્શ નિવાસી શાળા ખાતે સર્વ સમાજ માટે કોરોના કેર સેન્ટર શરૂ કરવામાં આવ્યું છે. જેમાં યંગ ઇન્ડિયા ગ્રુપના દેવન રાબારીની આગેવાનીમાં દર્દીઓને સઘન સારવારની સાથે કોરોનાનો હાઉ મનમાંથી દૂર કરવાની અનોખી પહેલ કરવામાં આવી છે. ખાસ કરીને દર્દીઓને કુદરતી વાતાવરણમાં અલગ અલગ બેસાડી ડીજેના સથવારે ગરબા કે ભજનની ઘુન વગાડવામાં આવે છે. જેમાં દર્દીઓ ભક્તિમય બનવાની સાથે ગરબાની તાલે રીતસર ઝૂમી ઉઠે છે. જેથી કોરોનાના હાવ મનમાંથી ગાયબ થઈ જાય છે. તેમજ દર્દીઓને આ કોવિડ સેન્ટર ભારેખમ ન લાગે અને ઘર જેવું જ લાગે તે માટે પરિવારજન જેવું વાતાવરણ ઉભું કરવામાં આવે છે. પરિવારમાં જેમ કાળજી લેવામાં આવે તેજ રીતે દર્દીઓની નાનામાં નાની બાબતની કાળજી લઈને પરિવારજનો જેવી જ હૂંફ આપે છે. ખાસ કરીને મનમાંથી કોરોનાનો હાઉ દૂર થાય એટલે ઝડપથી દર્દીઓ સાજા થઈ જાય છે. ત્યારે યંગ ઇન્ડિયા ગ્રૂપના કોરોના કેર સેન્ટરમાં સેવા આપતા ડોક્ટરો અને મેડિકલ સ્ટાફ અને નર્સ દર્દીઓ સાથે આત્મીયતા કેળવી પરિવારજનોની હૂંફ સાથે આપી રહેલી ઉમદા ફરજ બિરદાવા લાયક છે.
અનેક સેવાકીય, સામાજિક,ધાર્મિક, શૈક્ષણિક કાર્યોમાં રચનાત્મક અભિગમ સાથે યોગદાન આપતા યંગ ઇન્ડિયા ગ્રુપના અગ્રણીઓ દેવેનભાઈ રબારી તેમજ દિલીપભાઈ બરાસરા (પત્રકાર) ના માર્ગદર્શન હેઠળ ગ્રુપના સભ્યો માનવ સેવાની જ્યોત પ્રજલવિત કરી રહ્યાં છે.

(11:57 pm IST)
  • નાણાં પ્રધાન નિર્મલા સીતારામને રવિવારે ઉદ્યોગ જગતને ખાત્રી આપી હતી કે દેશવ્યાપી લોકડાઉન લાદવામાં આવશે નહીં. કોરોનાની બીજી લહેરમાં સતત વધી રહેલા સંક્રમણને ધ્યાનમાં રાખીને, દેશભરમાં લોકડાઉન લાદવાની અટકળો શરૂ થઈ ગઈ છે. આવી સ્થિતિમાં, વધતી અનિશ્ચિતતા સાથે કામદારોના સ્થળાંતરનો ભય પણ વધી રહ્યો છે. access_time 9:35 am IST

  • ઈન્ડિયન પ્રીમિયર લીગની 14 મી આવૃત્તિની મધ્યમાં ચેન્નાઈ સુપર કિંગ્સ માટે ખરાબ સમાચાર સામે આવ્યા છે. ટીમના સ્પિન કોચ મુથૈયા મુરલીધરનની તબિયત અચાનક બગડી હતી અને ત્યારબાદ તેને ચેન્નઈની એપોલો હોસ્પિટલમાં દાખલ કરવામાં આવ્યા છે. જાણવા મળ્યું છે કે તેની છાતીમાં અચાનક દુખાવો થયો હતો, ત્યારબાદ તેને હોસ્પિટલમાં દાખલ કરવામાં આવ્યા હતા. access_time 11:02 pm IST

  • મહારાષ્ટ્રમાં કોરોનાનો હાહાકાર : છેલ્લા 24 કલાકમાં આજે પણ કોરોનાના 68,631 નવા કેસ નોંધાયા છે, જ્યારે 503 લોકોનાં દુઃખદ મોત નીપજ્યાં છે. access_time 10:23 pm IST