Gujarati News

Gujarati News

News of Tuesday, 19th March 2019

વાવડી વન વિભાગની નર્સરી પાછળથી કૃષ્ણનગરના વૃદ્ધ હિરજીભાઇની લાશ મળી

સુથાર વૃદ્ધ માનસીક બિમારીના કારણે ચાર દિવસ પહેલા ઘરેથી નિકળી ગયા હતાઃ હાર્ટ એટેકથી મોત નિપજયું હોવાનું ખુલ્યું

રાજકોટ તા.૧૯: વાવડી ગામ પાસે વન વિભાગની નર્સરી પાછળ માલવીયા નગરના કૃષ્ણનગરમાંથી ચાર દિવસથી ગુમ સુથાર વૃદ્ધની લાશ મળી આવી હતી.

મળતી વિગત મુજબ વાવડી વન વિભાગની નર્સરી પાછળ એક અજાણ્યો વૃદ્ધ બેભાન હાલતમાં પડયો હોવાની જાણ કોઇએ કરતા ૧૦૮ના તબીબ ક્રિષ્નાબેને તપાસ કરતા તેનું મોત નિપજયું હોવાનું જણાતા જાણ કરતા તાલુકા પોલીસ મથકના પીએસઆઇ જી.એસ. ગઢવી તથા રાઇટર દીવ્યરાજસિંહ ઝાલા સહિતે સ્થળ પર પહોંચી તપાસ કરતા અજાણ્યા વૃદ્ધના ખીસ્સામાંથી આધારકાર્ડ મળી આવતા તેના પરિવારજનોને જાણ કરતા તેના પરિવારજનો દોડી આવ્યા હતા. અને આ વૃદ્ધનું નામ હિરજીભાઇ રતનશીભાઇ અધેરા (ઉ.વ.૭૭) (ગુર્જર સુથાર) (રહે. સ્વામિનારાયણ ચોક પાસે કૃષ્ણનગર) હોવાનું તેના પરિવારજનોએ જણાવ્યું હતું.

કૃષ્ણનગરના હિરજીભાઇ માનસીક બીમાર હોઇ ચાર દિવસ પહેલા ઘરેથી નિકળી ગયા હતા. તેના પરિવારજનોએ માલવીયાનગર પોલીસ મથકમાં ગુમની નોંધ કરાવી હતી. તેને સંતાનમાં બે પુત્ર છે. આ બનાવમાં પોલીસે વૃદ્ધના મૃતદેહને પીએમ માટે સિવિલ હોસ્પિટલમાં ખસેડાયો હતો. જેમાં તેનું હાર્ટએટેક આવતા મૃત્યું થયું હોવાનું જાણવા મળ્યું હતું.

(11:25 am IST)
  • કોંગ્રેસને ઝટકો: જમ્મુ કાશ્મીરની લોકસભાની તમામ બેઠક પર ચૂંટણી લડશે નેશનલ કોન્ફ્રન્સ :કોંગ્રેસ સાથે કોઈ ગઠબંધન નહિ :નેશનલ કોન્ફ્રન્સની સંસદીય બોર્ડની બેઠકમાં લેવાયો નિર્ણંય :રાજ્યની તમામ છ સીટો પર ચૂંટણી લડવા નિર્ણંય કરાયો access_time 12:51 am IST

  • વડાપ્રધાન મોદીના ગઢમાં પ્રિયંકા ગાંધી :વારાણસીના ગંગા તટે મંદિરમાં માથું ટેકવ્યું :લાલબહાદુર શાસ્ત્રીના પૈતૃક ઘરની લેશે મુલાકાત :આ પહેલા મિર્ઝાપુરમાં મૌલાના ઈસ્માઈલ ચિશ્તીની મજાર પર ચાદર ચડાવી:વિદ્યા વાસીની મંદિરમાં દર્શન કર્યા: ભદોહીમાં સીતામઢી સમાહિત મંદિરમાં પૂજા અર્ચન કર્યા હતા access_time 1:17 am IST

  • ખોડલધામની મહિલા સમિતિમાં કોઈ વિવાદ નથી : શર્મીલાબેન બાંભણીયાએ તો ૩ મહિના પહેલા જ નિવૃતિ જાહેર કરી દીધી હતી : ખોડલધામ ટ્રસ્ટની મહિલા સમિતિમાં વિવાદ થયાના સમાચારો વહેતા થયા છે ત્યારે ખોડલધામ મહિલા સમિતિના જ એક સભ્યએ જણાવેલ કે મહિલા સમિતિમાં કોઈ વિવાદ છે જ નહિં, પ્રમુખ શર્મીલાબેન બાંભણીયાએ તો ૩ મહિના અગાઉ જ સમાધાન પંચમાં નિવૃતિ જાહેર કરી દીધી હતી આમ છતાં તેઓ હાલમાં પણ ટ્રસ્ટની સેવાકીય પ્રવૃતિઓમાં જોડાયેલા છે. તાજેતરમાં ખોડલધામની નવી કન્વીનરની ટીમની જાહેરાત કરવામાં આવી હતી. આમ મહિલા સમિતિમાં કોઇ જ વિવાદ ન હોવાનું સૂત્રોએ જણાવ્યુ હતું. access_time 3:23 pm IST