Gujarati News

Gujarati News

News of Tuesday, 19th February 2019

જામનગરના ૪ મિત્રો એક સાથે લાપતા થયા બાદ રાજકોટથી મળ્યા

જુદા જુદા વિસ્તારોમાં શોધખોળ કર્યા બાદ રાજકોટના રેલ્વે સ્ટેશનેથી હેમખેમ મળી આવતા હાશકારોઃ જામનગરથી ફરવા નીકળી ગયા'તા

તસ્વીરમાં રેલ્વે પોલીસ સ્ટાફ સાથે ચારેય કિશોરો નજરે પડે છે. (તસ્વીરઃ સંદીપ બગથરીયા)

 જામનગર, તા., ૧૯:  જામનગરના જુદા જુદા વિસ્તારમાંથી ૪ જેટલા મિત્રો લાપતા થયા બાદ આજે બપોરે રાજકોટ રેલ્વે સ્ટેશન ઉપરથી મળી આવતા પરીવારજનોએ  હાશકારો અનુભવ્યો છે.

પ્રાપ્ત માહીતી મુજબ જામનગરના પંચવટી વિસ્તાર સહિત જુદા જુદા વિસ્તારોમાં રહેતા ચાર  મિત્રો ગઇકાલે અચાનક લાપતા થયા હતા. આ પચારેય મિત્રોની પરીવારજનોએ મોડી રાત્રી સુધી શોધખોળ શરૂ કરી હતી.

પરંતુ ચારેય મિત્રોનો પતો ન લાગતા અંતે સીટી બી ડીવીઝન પોલીસમાં ફરીયાદ કરવામાં આવી હતી. આ મિત્રોની પોલીસ અને પરીવારજનોએ આખી રાત સુધી શોધખોળ ચાલુ રાખી હતી.

ત્યાર બાદ આજે બપોરે રાજકોટના રેલ્વે સ્ટેશન ઉપરથી આ ચારેય કિશોરો મળી આવતા પોલીસે તેમનો કબ્જો લઇને જામનગર પોલીસને સોંપવામાં આવ્યા હતા.

આ ચારેય સગીર વયના કિશોરો રાજકોટ ફરવા માટે આવ્યા હોવાનું રાજકોટ રેલ્વે પોલીસે પ્રાથમીક પુછપરછમાં જણાવ્યું હતું.

(3:58 pm IST)
  • ભરૂચ એસ.ઓ.જી પોલીસે બી ડિવિઝન પોલીસ મથક ની હદ માંથી કોલ સેન્ટર ઝડપી પાડ્યું :પોલીસે ઝડપી પાડેલા સાત જેટલા ઈસમો અમદાવાદ ના રહેવાસી :પોલીસે કાર સહિત સાધન સામગ્રી ઝડપી પાડી access_time 11:19 am IST

  • કાનપુર હાઇવે પર અકસ્માતમાં આઇપીએસ અધિકારીના પરિવારના ચાર સભ્ય સહીત પાંચ લોકોના મોત:2015 બેચના આઇપીએસ અધિકારી અને હાવડામાં સહાયક પોલીસ અયુક્ત ડો,અરવિંદકુમાર આનંદના પરિવારજનોની કારણે વીરપુર નજીક ટ્રકે ટક્કર મારી :માતા-પિતા,બહેન અને મામા સહીત ડ્રાઈવરનું કરૂણમોત :તમામ બરેલીમાં લગ્ન સમારોહથી પરત ફરતા કાનપુર-સાગર રોડ પર કાળ ભેટ્યો access_time 12:11 am IST

  • ટ્રીપલ તલાક : ફરી વટહુકમ લાવવા તૈયારી : બજેટ સત્રમાં બિલ પસાર થઇ શકયું ન્હોતું : સાંજે કેબિનેટ આપશે મંજુરી access_time 4:11 pm IST