Gujarati News

Gujarati News

News of Tuesday, 19th January 2021

જૂનાગઢમાં કરોડો રૂપિયાની છેતરપીંડી કરનાર પોસ્ટ ઓફિસના એજન્ટ ભરત પરમાર અને તુષાર પરમારની થરાદથી ધરપકડ

પિતા-પુત્ર પોસ્ટ ઓફિસમાં પૈસા જમા કરવાના બદલે ચાંઉ કરી ગયા હતા

(વિનુ જોશી દ્વારા) જૂનાગઢ, તા. ૧૯ :. જૂનાગઢમાં પોસ્ટ ઓફિસના નામે લોકોને રોકાણ કરાવીને કરોડો રૂપિયાની છેતરપીંડી કરનાર પિતા ભરત પરમાર અને તેના પુત્ર તુષાર પરમારની જૂનાગઢ ક્રાઈમ બ્રાન્ચે થરાદ ખાતેથી ધરપકડ કરી છે.

પ્રાપ્ત માહિતી મુજબ જૂનાગઢમાં રહેતા અને પોસ્ટ ઓફિસના એજન્ટ તરીકે કામગીરી કરતા ભરત પરમાર અને તુષાર પરમારે ગ્રાહકોના પૈસા લઈને તે પૈસા પોસ્ટ ઓફિસમાં જમા કરાવવાના બદલે પોતાના અંગત કાર્ય માટે ઉપયોગ કરી નાખતા તેની સામે પોલીસ ફરીયાદ કરવામાં આવી હતી.

ત્યાર બાદ આ બન્ને પિતા-પુત્ર જૂનાગઢથી નાસી છૂટયા હતા. જૂનાગઢ રેન્જ નાયબ પોલીસ મહાનિરીક્ષક મનિન્દર પ્રતાપસિંહ પવારની સૂચના તેમજ પોલીસ અધિક્ષક રવિ તેજા વાસમસેટ્ટીની સૂચનાથી જૂનાગઢ ક્રાઈમ બ્રાન્ચ સહિત જુદી જુદી પોલીસ ટીમે આ બન્નેને ઝડપી લેવા માટે તપાસ હાથ ધરવામાં આવી હતી. આ દરમિયાન જૂનાગઢ ક્રાઈમ બ્રાન્ચની ટીમે થરાદ ખાતેથી બન્નેને ઝડપી લીધા છે. આજે સાંજે ૫ વાગ્યે પોલીસ અધિક્ષકની કચેરી ખાતે પત્રકાર પરિષદમાં પોલીસ અધિક્ષક રવિ તેજા વાસમસેટ્ટી વિગતો જાહેર કરવામાં આવશે.

જૂનાગઢના પોસ્ટ વિભાગના એજન્ટ ભરત પરમાર અને તેના પુત્ર તુષાર પરમારે રોકાણકારોના નાણા પોસ્ટમાં જમા કરાવવાના બદલે ચાંઉ કરી જઈને કરોડો રૂપિયાની છેતરપીંડી કરી હતી. આ અંગે રોકાણકારો દ્વારા પોલીસ ફરીયાદ બાદ પોસ્ટ ઓફિસના એજન્ટ અને તેનો પરિવાર જૂનાગઢ છોડીને નાસી છૂટયો હતો.

(3:15 pm IST)
  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST