Gujarati News

Gujarati News

News of Tuesday, 19th January 2021

કેશોદની વણપરીયા કન્યા વિદ્યામંદિરમાં શૈક્ષણીક કાર્ય રાબેતા મુજબ શરૂ

ગઇકાલે ૧૧ વિદ્યાર્થીને કોરોના પોઝીટીવ રીપોર્ટ આવતા શાળા બિલ્ડીંગમાં સેનેટાઇઝ કરાયું: ૧૦૯ વિદ્યાર્થીઓની શાળામાં હાજરી જિલ્લા શિક્ષણાધીકારી આર.એસ.ઉપાધ્યાયએ આપેલી વિગતો

(વિનુ જોષી દ્વારા) જુનાગઢ, તા.,૧૯: ગઇકાલે જુનાગઢ જિલ્લાના કેશોદની વણપરીયા સ્કુલની ૧૧ વિદ્યાર્થીનીઓને એક સાથે કોરોના થતા ચિંતા પ્રસરી હતી.

જિલ્લા શિક્ષણાધીકારીશ્રી આર.એસ.ઉપાધ્યાયએ જણાવ્યું હતું કે હાલ ધો.૧૦ અને ૧રનું શૈક્ષણીક કાર્ય શરૂ કરાયું છે. ત્યારે કેશોદની શાળામાં ગઇકાલે ૧૧ વિદ્યાર્થીનીઓને કોરોનાનો પોઝીટીવ રિપોર્ટ આવતા તેઓને હોમ કવોરન્ટાઇન કરી સારવાર આપવામાં આવી રહી છે અને ગઇકાલે જ શાળાનું બિલ્ડીંગ હોસ્ટેલ સેનીટાઇઝ કરવામાં આવેલ છે. અને આજ સવારથી શાળાનું શૈક્ષણીક કાર્ય રાબેતા મુજબ શરૂ કરવામાં આવ્યું છે.

અને ધો.૧૦ અને ૧રની ૧૦૯ દિકરીઓ ઉત્સાહ પુર્વક ઉમળકા સાથે શૈક્ષણીક કાર્યમાં જોડાય છે. શ્રી આર.એસ.ઉપાધ્યાયએ વધુમાં જણાવેલ કે આ શાળામાં ધો.૧૦માં ૧૪૪ વિદ્યાર્થીની છે. જેમાંથી આજે ૬૪ હાજર રહેલ તેમજ ધો.૧રમાં ૧૧૮ની સંખ્યા છે. તેમાંથી ૪પ હાજર રહેલ. આમ બીજે જ દિવસથી શૈક્ષણીક કાર્ય રાબેતા મુજબ શરૂ કરવામાં આવ્યું છે.  અને વાલીઓએ પણ આ કોરોનાની મહામારી સામે ડર્યા વગર સાવચેતી રાખી નિર્ભય બની પોતાના સંતાનોને શાળાએ મોકલવા જોઇએ અને સંતાનોને કોરોના સામે જાગૃત રહે તે માટે કાળજી લેવા અને શાળા પરીવારના કર્મચારીઓ શિક્ષકોએ પણ કોરોના સામે જાગૃત રહી શૈક્ષણીક કાર્ય રાબેતા મુજબ શરૂ કરવા બદલ શ્રી ઉપાધ્યાયેએ બિરદાવ્યા હતા

(1:23 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST