Gujarati News

Gujarati News

News of Tuesday, 19th January 2021

ભાજપ ખોટી રીતે જશ ખાટવાનું બંધ કરે : રબારી

(પ્રવિણ વ્યાસ દ્વારા)મોરબી,તા. ૧૯: મોરબીના કોંગ્રેસ પ્રમુખ રામજીભાઈ રાબારીએ ભાજપ પર આક્ષેપ કરતા દાવો કર્યો હતો કે, ભાજપ ખોટી રીતે જશ ખાટે છે. ચૂંટણી નજીક આવતા જ વિકાસના અનેક કામના ખાત મુહુર્ત થઈ રહ્યા છે. રસ્તા લાઈટ, પાણી અને ભૂગર્ભ ગટરના કામનો બજેટ વખતે ભાજપના કાઉસિલરોએ વિરોધ કર્યો હતો. બજેટને નામંજૂર પણ કરાવેલું હતું.

કોંગ્રેસે ફરી બહુમતીએ મંજુર કરાવ્યું હતું.એ સમયે પણ ભાજપના પદાધિકારીઓએ રદ કરવા માટે માંગ કરી હતી. આ સાથે વર્ક આઉટ પણ કર્યું હતું. હવે આ જ કામને ભાજપ પોતાના નામે ચડાવીને વાહ વાહી કરે છે. પ્રજાના કામમાં ભાજપે કોઈ રીતે અવરોધ ઉભો કરી બજેટ નામંજુર કરાવવા ધમપછાડા કર્યા હતા. આ અંગે મોરબીની પ્રજાને માહિતગાર કરવામાં આવે છે. હવે જયારે ચૂંટણી નજીક આવી રહી છે ત્યારે ભાજપ આવા ધતિંગ કરે છે. કોંગ્રેસ બોડીએ પોતાના શાસનમાં રોડ, પાણી અને ગ્રાન્ટના કામ મંજુર કરાવેલા છે. એ સમયે એ જ કામનો ભાજપે વિરોધ કરેલો અને હવે લોકાર્પણ કરીને ભાજપ થુકેલું ચાટે છે.

લગ્ને લગ્ને કુંવારાની જેમ ખાત મુહુર્ત પ્રેમી નેતાઓ પ્રજાને ખોટા રસ્તે દોરે છે. હાથમાં ચાંદ બતાવે છે. ખોટી ડંફાસ જેવા દાવા કરે છે. લોકોને મૂર્ખ બનાવવાના કામ કરે છે. હાલના વહીવટદાર ભાજપ કાર્યાલયના વહીવટદાર નથી એ વાત સમજવી જોઈએ. મોરબીની પ્રજાને મૂર્ખ ન બનાવે. આવા કામમાં ભ્રષ્ટાચારની વાસ આવી રહી છે. જેનો તાજો દાખલો વાવડી રોડની હાલત છે.

(12:46 pm IST)
  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST