Gujarati News

મોરબી ચેમ્બર ઓફ કોમર્સમાં છેલ્લા ૨૬ વર્ષથી ચુંટણીઓ યોજવામાં આવી ના હતી અને ૨૬ વર્ષ બાદ ચુંટણી યોજાય તે પૂર્વે જ નવા હોદેદારોની બિન હરીફ વરણી થઇ છેજેમાં પ્રમુખ તરીકે જયંતીભાઈ જેરાજભાઈ પટેલ, ઉપપ્રમુખ તરીકે ત્રંબકભાઈ શીવાભાઈ ફેફર, જયેન્દ્રસિંહ (જયુભા) ઉદયસિંહ જાડેજા, સવજીભાઈ ત્રિભોવનભાઈ કાલરીયા, અને રતિલાલ લાલજીભાઈ આદ્રોજા તેમજ મહામંત્રી તરીકે અમિતભાઈ રમેશભાઈ સચદે, સહમંત્રી તરીકે ઉમેશભાઈ ઘનશ્યામભાઈ કચોરીયા અને હેમલભાઈ ભગવાનજીભાઈ શાહ જયારે ખજાનચી તરીકે બચુભાઈ ભુરભાઈ અગોલાની વરણી કરવામાં આવી છે

બિનહરીફ વરણી પામેલ ચેમ્બર ઓફ કોમર્સના નવનિયુક્ત  પ્રમુખ જયંતીભાઈએ જણાવ્યું હતું કે વિકસિત મોરબી શહેરને કોર્પોરેશન મળે તે પ્રાથમિકતા રહેશે તે ઉપરાંત સિરામિક ઉદ્યોગ સહિતના ઉદ્યોગોના પ્રશ્ને ચેમ્બર ઓફ કોમર્સ યોગ્ય કક્ષાએ રજૂઆત કરશે અને પ્રશ્નોના ઉકેલ માટે કાર્યરત રહેશે