Gujarati News

અમરેલી પંથકમાં આર્થીક સંકડામણના કારણે ધારી પંથકની વધુ એક ખેડૂત મહિલાએ શરીરે કેરોસીન છાટી જાત જલાવી લેતા અરેરાટી ફેલાઈ છે.

  મળતી વિગત મુજબ ધારી તાલુકાના મોણવેલ ગામે રહેતી અને ખેતીકામ કરતી નંદુબેન પોપટભાઇ ઢોલરીયા નામની ખેડુત મહિલાએ ખેતીની જમીન પર ધિરાણ લીધું હતું. તેમજ બેંકનું પણ લેણું બાકી હતું. તેમજ આ રકમ પોતે ભરી શકે તેમ ન હોવાથી સતત ચિંતામાં રહેતા હતા. ત્યારે ગઇકાલે તેણીએ પોતાના ઘરે શરીર ઉપર કેરોસીન છાંટી કાંડી ચાંપી દેતા સળગી જવાથી સારવાર દરમિયાન તેણીનું મોત નિપજ્યું હતું. બનાવ અંગે હસમુખભાઇ ફુલાભાઇ ઢોલરીયાએ પોલીસમાં જાણ કરતા પોલીસે ધોરણસરની કાર્યવાહી હાથ ધરી હતી