Gujarati News

Gujarati News

News of Friday, 18th October 2019

ધોરાજી નવી શાકમાર્કેટમાં જામ્યા ગંદકીના થર : પશુઓના ધામા

રૂ.૨.૨૦ કરોડના ખર્ચે આધુનીક સુવિધાવાળી શાકમાર્કેટ તૈયાર તો થઇ પરંતુ વેપારીઓને સુવિધા ન મળી

 ધોરાજી તા.૧૮ : ધોરાજી ખાતે આવેલ સર શ્રી ભગવતસિંહજી શાકમાર્કેટ જે જૂનવાણી હતી અને સરકાર દ્વારા રૂ.ર.૨૦ કરોડના ખર્ચે નવીનીકરણ કરાઇ અને જે તે સમયે પાલીકાતંત્ર દ્વારા સોગંદ પર કોર્ટમાં જણાવેલ કે નવી શાકમાર્કેટ જે અમો ૮ માસમાં તૈયાર કરીને વેપારીઓને સોપશું પણ નવી આધુનીક સુવિધાવાળી શાકમાર્કેટ હજુ તૈયાર થઇ પણ તે પણ ૧૬ માસ થઇ ગયા પણ વેપારીઓને નથી સોપાતી જેના હિસાબે થડાધારકોને મોટેપાયે નુકશાની અને હેરાનગતિ ભોગવવાનો વારો આવેલ છે.

કરોડોના ખર્ચે તૈયાર થયેલ શાકમાર્કેટ હાલ કચરાનો ગંજ ખડકાયેલ છે અને પતરાઓનો કાણા પડી ગયેલ છે અને રેઢીયાર ઢોરનો તબેલો બની ગયેલ છે અને એટલી હદે કચરો અને ગંદકી હોય અને શહેરમાં રોગચાળો ફાટી નીકળેલ પણ શાકમાર્કેટમાં સફાઇ નથી થતી અને માર્કેટમાં ફરતા લોખંડના પતરા નાખેલ હતા તે પણ હાલ ન હોવાના કારણે ઢોરવાડો થઇ ગયેલ છે. તેમજ  શાકમાર્કેટમાં બુગદો છે તેની કુંડીપણ ખુલી છે અને જો કોઇ આમા અકસ્માતે પડે અને જાનહાની થાય તો જવાબદારી કોની. શાકમાર્કેટમા તંત્ર દ્વારા પગી પણ નથી રખાયો જેના કારણે કચરો અને ઢોરવાડો થઇ ગયેલ છે શુ તંત્ર હવે નવી બનેલ ૨૫૬ દુકાનો વેપારીઓને અપાય તો શાકભાજીના વેપારીઓ જે બજાર રેકડીઓ અને મેળાના મેદાનમાં શાકભાજી વેચે છે તેઓને થડાઓ સોપાઇ તેવી માંગ ઉઠી છે.

(11:57 am IST)
  • ભૂતપૂર્વ વડાપ્રધાન મનમોહન સિંઘે કહ્યું છે કે અમે સાવરકરના વિરોધી નથી પરંતુ તેમની હિન્દૂ વિચારધારાનો વિરોધ કરીએ છીએ. એ દરમીયાન ગૃહમંત્રી અમિતભાઈ શાહે કહ્યું છે કે રાષ્ટ્ર માટે સાવરકરજીએ જે બલિદાન આપ્યું છે તે બીજા કોઈએ આપેલ નથી. access_time 1:17 am IST

  • બોલીવુડના મહાનાયક અમિતાભ બચ્ચન હોસ્પિટલમાં દાખલ : લીવરની સમસ્યાને કારણે છેલ્લા ત્રણ દિવસથી હોસ્પિટલમાં સારવાર માટે દાખલ કરાયા : અહેવાલ મુજબ અમિતાભ બચ્ચનને મંગળવારે બપોરે બે વાગ્યે હોસ્પિટલ લઇ જવાયા છે : હોસ્પિટલમાં સ્પેશિયલ રૂમમાં બિગ બીની સારવાર access_time 1:07 am IST

  • સીરિયામાં યુદ્ધ વિરામને લઈને અમેરિકા અને તુર્કી વચ્ચે સમજૂતી : સીરિયામાં આગામી પાંચ દિવસ તુર્કીમાં કોઈપણ સૈન્ય ઓપરેશન નહિ કરે : અમેરિકાના ઉપ રાષ્ટ્રપતિ માઈક પૅસે આ અંગે જાહેરાત કરતા કહ્યું કે તુર્કી ઉતરી સીરિયામાં પોતાનું સૈન્ય અભિયાનને આગામી 120 કલાક સુધી રોકશે : અમેરિકા કુર્દદળને વ્યવસ્થિત રીતે વાપસી કરવામાં મદદ કરશે access_time 1:11 am IST