Gujarati News

Gujarati News

News of Thursday, 17th October 2019

હળવદ પાસે વાહન ચેકીંગ વેળાએ પોલીસ સાથે ઝપાઝપી ભારે પડી : ચાર યુવાનોને ઝડપી લઈ કાયદાનું ભાન કરાવ્યું

પોલીસ સાથે ઝપાઝપી કરી ગાળો આપી ફરજમાં રૂકાવટ કર્યાનો ગુન્હો નોંધ્યો

 

મોરબી : માળીયા હાઇવે હળવદ મોરબી ચોકડી પર એલસીબી અને સ્થાનિક પોલીસના વાહન ચેકિંગ દરમિયાન ચાર યુવાનોને બાઇક લઈને સીન નાખવાનું ભારે પડ્યું હતું.પોલીસ સાથે ગાળો બોલીને ઝપાઝપી કરતા પોલીસે ચારેય યુવાનોને તાકીદે ઝડપીને કાયદાનું ભાન કરાવ્યું હતું.તેમજ ચારેય યુવાનો સામે ફરજમાં રૂકાવટ સહિતની કલમો હેઠળ ગુનો નોંધી તપાસ હાથ ધરી છે.

અંગેની વિગત મુજબ મોરબી એલસીબી સ્ટાફ અને સ્થાનિક પોલીસ સ્ટાફ ગતરાત્રે માળીયા હાઇવે હળવદ મોરબી ચોકડી પર વાહન ચેકિંગ કરી રહ્યો હતો.તે દરમિયાન હળવદ રહેતા મેહુલભાઈ રમણિકભાઈ ગોઠી ( ..30), ચિંતનભાઓ જીતેન્દ્રભાઈ રાવલ( ..23), પંકજભાઈ ચમનભાઈ ગોઠી( ..22) અને હાર્દિક ઉફે સિંધમ હરજીવનભાઈ ભુવા( ..19 )નામના ચાર યુવાનો બે મોટર સાયકલમાં ડબલ સ્વારીમાં નીકળ્યા હતા.ત્યારે ત્યાં વાહન ચેકિંગમાં રહેલા પોલીસ સ્ટાફ સાથે ઝપાઝપી કરીને ગાળો આપી સીન નાખ્યા હતા.આથી પોલીસે ચારેય યુવાનોને જી.જે.13 પી.પી.3413 અને જી.જે.36 એચ.4533 નંબરના ને બાઇક તેમજ એક મોબાઈલ સહિત કુલ રૂ.75500 ના મુદ્દામાલ સાથે તાકીદે ઝડપી લઈને કાયદાનું ભાન કરાવ્યું હતું.

જ્યારે એલસીબી સ્ટાફના હિતેન્દ્રસિંહ ચુડાસમાએ ચારેય યુવાન સામે પોલીસ સાથે ઝપાઝપી કરી ગાળો આપી ફરજમાં રૂકાવટ કર્યાની હળવદ પોલીસ મથકે ફરિયાદ નોંધાવી છે.જેના આધારે હળવદ પોલીસે અંગે આગળની વધુ તપાસ હાથ ધરી છે.

(12:07 am IST)
  • પ્રજાના પ્રતિનિધિઓને ઓળખી લેજો : મહારાષ્ટ્ર વિધાનસભાના 3237 ઉમેદવારોમાંથી 1007 કરોડપતિ : 916 ઉમેદવારો ઉપર ક્રિમિનલ કેસ : જેમાં ભાજપ અને શિવસેનાના 171 ,કોંગ્રેસના 156 , તથા 280 અપક્ષ ઉમેદવારોનો સમાવેશ : મહારાષ્ટ્ર ઈલેકશન વોચ અને એસોસિએશન ફોર ડેમોક્રેટિક રિફોર્મ્સ(ADR) દ્વારા બહાર પડાયેલી માહિતી access_time 8:00 pm IST

  • વલસાડ તાલુકા પંચાયતના ગોરગામ સીટના અપક્ષ સભ્યનું સભ્યપદ રદ કરાયું : સામાન્ય સભાની બેઠકમાં સતત ગેરહાજર રહેતા નવીનભાઈ ભીખુભાઇ પટેલનું સભ્યપદ રદ કરવા સામાન્ય સભામાં થયો ઠરાવ access_time 2:36 pm IST

  • જસ્ટિન ટ્રુડોના પ્રચાર માટે અમેરિકાના પૂર્વ પ્રેસિડન્ટ બરાક ઓબામા મેદાનમાં : કેનેડામાં 21 ઓક્ટોબરના રોજ ચૂંટણી : વર્તમાન પ્રાઈમ મિનિસ્ટર જસ્ટિન ટ્રૂડોને મહેનતુ ,પ્રગતિશીલ અને સફળ નેતા ગણાવી ફરી ચૂંટી કાઢવા અનુરોધ કર્યો access_time 11:46 am IST