Gujarati News

Gujarati News

News of Thursday, 18th October 2018

લોધીકામાં છઠ્ઠા નોરતી ગરબી મંડળો દ્વારા રાસ ગરબાની રમઝટ

લોધીકા : શહેરમાં ગરબી મંડળો દ્વારા આદ્યશકિતની આરાધનાના પર્વ નવરાત્રીની ભકિતભાવ પૂર્વક ઉજવણી થઇ રહેલ છે. અર્વાચીનના માહોલ વચ્ચે પણ અહી પ્રાચીન ગરબાઓના સથવારે માં શકિતની ઉપાસના થઇ રહેલ છે. અહી યોજાતી ભવાની ગરબી, રાંદલ ગરબી, ચામુંડા ગરબી, નવદુર્ગા ગરબી, ખોડીયાર ગરબી, ગાયત્રી ગરબી, ગોકુલ ગરબી મંડળમાં આદ્યશકિતની આરાધના કરવાનો ઉમંગ જોવા મળી રહેલ છે. દરેક ગરબી મંડળના ચોકમાં શણગાર સજાવટથી શોભી રહેલ છે. માં શકિત સ્વરૂપ નાની નાની બાળાઓ પણ વિવિધ ગરબાઓમાં હીંચ, બેડા વગેરે રાસના સથવારે લીન થઇ જાય છે. લોધીકાના કુંવરી સ્વ.ચંદ્રાબા જાડેજા રચીત ગરબી, માં કચ્છ ભૂજમાં તારા બેસણા મા આશાપુરા લોધીકા શેરને ચાર ચોટા નગર અલબેલા વગેરે ગરબાઓ આકર્ષણ જમાવે છે. અહી સાંગણવા રોડ ઉપર બાલા હનુમાન મંદિરના પટાંગણમાં યોજાતી ગાયત્રી ગરબી મંડળ દ્વારા અનન્ય લાઇટ ડેકોરેશન, સાઉન્ડ સિસ્ટમ તેમજ પ્રાચીન ગરબાઓને સથવારે ભાવિકોમાં આકર્ષણનું કેન્દ્ર બનેલ છે. આ ગરબી મંડળમાં પ્રાચીન ગરબાઓમાં ગાયક વૃંદ ઇકબાલભાઇ જુણેજા, પરેશભાઇ, રવિ ગોસ્વામી તેમજ આયોજક ભાવેશ વાગડીયા, મયુર મિયાત્રા, કૈલાશ બવ તેમજ ગૃપ જહેમત ઉઠાવે છે. (તસ્વીર - અહેવાલ : સલીમ વલોરા, લોધીકા)

(12:06 pm IST)
  • પંજાબ-હરિયાણામાં માત્ર ત્રણ કલાક જ ફટાકડા ફોડી શકાશે :હાઇકોર્ટે તહેવારોમાં ફટાકડા ફોડવા બાબતે દિશાનિર્દેશ આપ્યા :સાંજે 6-30થી 9-30 સુધી ત્રણ કલાક ફટાકડા ફોડવા આપી મંજૂરી :હાઇકોર્ટે કડક વલણ અપનાવતા કહ્યું કે ફટાકડા પર સંપૂર્ણ પ્રતિબંધ લગાવી શકીએ ,આતીશબાજી એ સારી છે કે ખિસ્સામાંથી નોટ કાઢો અને આગ લગાડો access_time 1:15 am IST

  • જખૌ નજીકથી ભારતીય જળસીમામાંથી ત્રણ બોટ સાથે 18 માછીમારોનું અપહરણ :પાકિસ્તાન મરીન સિક્યુરિટીએ બોટ પર ફાયરિંગ કરીને માછીમારોનું કર્યું અપહરણ :માછીમારોમાં ભારે રોષ access_time 11:43 pm IST

  • હાર્દિક રાત્રે રાજકોટમાં : હાર્દિક પટેલ આજે રાત્રે ૯ વાગે રાજકોટ આવી રહયા છે. તેઓ કલબ યુવી, સંસ્કૃતિ (નાનામૌવા) અને ઉપલાકાંઠે આવેલ. ગરબીમાં જનાર હોવાનુ જાણવા મળે છે access_time 3:59 pm IST