Gujarati News

કોટડાસાંગાણી તા. ૧૮ : કોટડાસાંગાણી તાલુકાના શીષક ગામની ખેડુત પુત્રીને ધોરણ બારમા ૯૩ પી આર હોવા છતા મેડીકલ કોલેજમા એડમીશન ન મળતા મુખ્યમંત્રીને પત્ર લખીને પોતાની હૈયા વરાળ ઠાલવી છે. એક તરફ ઓછા વરસાદથી કોટડાસાંગાણી તાલુકામા દુષ્કાળ જેવી સ્થિતી સર્જાઈ છે. ખેડૂતોની સાથે તેમના પરિવારની પણ સ્થિતિ કફોડી બની છે ત્યારે તાલુકાના શિશક ગામના ખેડૂતની ઓગણીસ વર્ષીય પુત્રી  ભુમી બાવનજીભાઈ સગપરીયાને ધોરણ બારમા ૯૩ પી આર હોવા છતા એડમીશન નહી મળતા મુખ્યમંત્રીને પત્ર લખીને  મેડીકલ કોલેજમાં એડમિશન મળે તે માટે સરકાર દ્વારા પ્રયાસ કરવામાં આવે તે માટે જાણ કરાઇ છે.

વધુમાં તેમણે ઉમેર્યું હતું કે તેમના પિતા બાવનજીભાઈ  ખેડૂત હોઈ અને આર્થિક રીતે ખેતી સીવાય અન્ય જગ્યાએથી કોઈ આવક ન હોય જેના કારણે મુશ્કેલી વેઠવી પડે છે તેમા પણ આ વર્ષે ઘરનું ગુજરાત ચલાવવું મુશ્કેલ બન્યું છે. ભુમીએ મેડિકલ કોલેજમા એડમીશન મેળવવા ઓનલાઈન ફોર્મભરી બે વખત ચોઈસ ફિલીંગ કરેલ છે છતા પણ કોઈ મેડીકલ કોલેજમા એડમીશન મળેલ નથી. મારીપણ ભ્રુણ હત્યા થઈ હોત તો સારૂ હોત હાલ અભ્યાસની ઈચ્છા હોવા છતા એડમીશન ન મળવાને કારણ થતી સમસ્યા ને જોવાનો વારો ન આવેત આ દેશની નારી દ્રશ્ટાંત એવા કલ્પના ચાવલા અને સુનીતા વીલીયમ્સની જેમ પોતેપણ ઉડાન ભરવા માંગ છે. એક તરફ સરકાર બેટી પઢાવોના સ્લોગન આપી ને દિકરોને ભણાવવાની વાલીઓ સમક્ષ જાહેરાતો કરે છે પરંતુ આ દિકરીની સમસ્યા સાંભળવા કોઈ તૈયાર ન થતા આગામી દિવસોમા એડમીશન નહી મળેતો પોતાનો મૃતદેહ સ્વીકારવાની તૈયારી રાખવાની પણ ચીમકી ઉચ્ચારી હતી.(૨૧.૧૪)