Gujarati News

Gujarati News

News of Thursday, 18th October 2018

આજથી ૩ દિવસ રાજ્યમંત્રી વાસણભાઇ કચ્છના પ્રવાસે

ભુજ તા. ૧૮ : રાજયમંત્રીશ્રી વાસણભાઇ આહિર આજે તા.૧૮થી ૨૦ સુધીના કચ્છ જિલ્લાના પ્રવાસે આવી રહયા છે. તેઓ આજે સવારે ૮.૩૦ કલાકે સ્વતીક પેકેજીંગ, માંડવી હાઈવે, નારણપર તા.ભુજ મધ્યે સ્વતીક પેકેજીંગ શુભારંભ કાર્યક્રમમાં ઉપસ્થિત રહેલ. ૧૦ કલાકે ભાજપ કાર્યાલય, ભુજ ખાતે એકતા યાત્રા અંગેની બેઠકમાં હાજરી આપેલ. ત્યારબાદ સાંજે ૧૮ કલાકે ડીપીટી ગ્રાઉન્ડ, ટાગોર રોડ, ગાંધીધામ ખાતે રાવણ પૂતળા દહન કાર્યક્રમમાં ઉપસ્થિત રહેલ અને ૧૯.૩૦ કલાકે ઈફકો કોલોની, ઉદયનગર, ગાંધીધામ મુકામે રાવણ પૂતળા દહન કાર્યક્રમમાં હાજરી આપી હતી.

તા.૧૯મીએ સવારે ૯.૩૦ કલાકે ભુવડ (તા.અંજાર) ખાતે સેવાસેતુ કાર્યક્રમમાં હાજર રહેશે. બાદ ૧૦.૩૦ કલાકે મીઠા પસવારીયા તા.(અંજાર) ખાતે મોડલ આંગણવાડીનું લોકાર્પણ કાર્યક્રમમાં ઉપસ્થિત રહેશે અને ૧૭ કલાકે પીજીવીસીએલ સર્કલ ઓફીસ કમ્પાઉન્ડ, અંજાર ખાતે નવા વાહનોની ફાળવણી અંગેના કાર્યક્રમમાં હાજરી આપશે.

તા.૨૦મીએ સવારે ૯ કલાકે ટાઉનહોલ, ભુજ ખાતે સરદાર રથ યાત્રા પ્રસ્થાન કાર્યક્રમમાં ઉપસ્થિત રહેશે. પ્રવાસ કાર્યક્રમ દરમ્યાન રાત્રિરોકાણ તેમના નિવાસસ્થાન રતનાલ ખાતે કરશે.

શ્રમ અને રોજગાર મંત્રી  દિલીપકુમાર ઠાકોર કચ્છમાં

રાજયના શ્રમ અને રોજગાર મંત્રીશ્રી દિલીપકુમાર ઠાકોર તા.૧૯ એક દિવસના કચ્છ જિલ્લાના પ્રવાસે આવી રહયા છે. તેઓ ૧૯મીએ રાત્રે ૨૧ કલાકે શ્રી મોમાય માતાજી મંદિર દેવસ્થાન જાગીર, મોમાયમોરા તા.રાપર-કચ્છ ખાતે ભાતીગળ મેળો તથા સંતવાણીના કાર્યક્રમમાં હાજરી આપશે. કાર્યક્રમ પૂર્ણ થયે અનુકુળતાએ (દાંતરવાડા) હારીજ જિ.પાટણ જવા રવાના થશે.

નોકરી કરવા ઈચ્છુક  પૂર્વ સૈનિકોએ નોંધણી કરાવી લેવી

ગુજરાત ઈન્ડ્રસ્ટ્રીયલ સિકયુરીટી ફોર્સ સોસાયટીમાં નોકરી કરવા ઈચ્છુક પૂર્વ સૈનિકોએ  પોતાના નામની નોંધણી કરાવવા માટે જિલ્લા સૈનિક કલ્યાણ અને પુનર્વસવાટ કચેરી, ભુજનો સંપર્ક સાધવો.(૨૧.૩)

(11:53 am IST)
  • ભારતની ચિંતા વધારશે ચીન :બ્રહ્મોસ મિસાઇલથી પણ બહેતર મિસાઈલ પાકિસ્તાનને આપશે :પાકિસ્તાન ચીન પાસેથી સુપરસોનિક મિસાઈલ ખરીદે તેવી શકયતા :ચીનના સરકારી મીડિયા મુજબ ચીન દ્વારા પાકિસ્તાન સાથે સૌથી મોટો ડ્રોન સોદો કરવાની જાહેરાત કરશે ;આગામી 3જી નવેમ્બરે પાકિસ્તાનના પીએમ ઇમરાનખાન ચીનના ત્રણ દિવસના પ્રવાસે જશે access_time 1:12 am IST

  • હાર્દિક રાત્રે રાજકોટમાં : હાર્દિક પટેલ આજે રાત્રે ૯ વાગે રાજકોટ આવી રહયા છે. તેઓ કલબ યુવી, સંસ્કૃતિ (નાનામૌવા) અને ઉપલાકાંઠે આવેલ. ગરબીમાં જનાર હોવાનુ જાણવા મળે છે access_time 3:59 pm IST

  • પંજાબ-હરિયાણામાં માત્ર ત્રણ કલાક જ ફટાકડા ફોડી શકાશે :હાઇકોર્ટે તહેવારોમાં ફટાકડા ફોડવા બાબતે દિશાનિર્દેશ આપ્યા :સાંજે 6-30થી 9-30 સુધી ત્રણ કલાક ફટાકડા ફોડવા આપી મંજૂરી :હાઇકોર્ટે કડક વલણ અપનાવતા કહ્યું કે ફટાકડા પર સંપૂર્ણ પ્રતિબંધ લગાવી શકીએ ,આતીશબાજી એ સારી છે કે ખિસ્સામાંથી નોટ કાઢો અને આગ લગાડો access_time 1:15 am IST