Gujarati News

Gujarati News

News of Friday, 18th September 2020

પડધરીમાં મામલતદાર અને પોલીસ તંત્ર દ્વારા માસ્ક વિતરણઃ કાયદાનો ભંગ કરનારા સામે કડક કાર્યવાહી કરાશે

(મનમોહન બગડાઇ દ્વારા) પડધરી, તા. ૧૮ :  પડધરી શહેર અને ગ્રામ્ય વિસ્તારમાં વધતા જતા કોરોનાના કેસના લીધે પડધરી પીએસઆઇ વી.એમ. લગારીયા દ્વારા પડધરી મુખ્ય બજાર અને શાકમાર્કેટ વિસ્તારમાં લોકોને માસ્કનું વિતરણ કરાયું હતું. વારંવાર સોશ્યલ ડીસ્ટન્સ અને માસ્ક ન પહેરવાના ભંગ બદલ વેપારી પાસેથી દંડ વસુલ કરવામાં આવેલ મુખ્ય બજારમાં દરેક દુકાનદારને રૂબરૂ મામલતદાર અને પીએસઆઇ દ્વારા કડક સુચના આપી હતી. હવેથી કાયદાનો ભંગ કરનાર પાસેથી દંડ વસુલાશે અને આકરા પગલા ભરવામાં આવશે તેવી સુચના આપી હતી.

તંત્ર દ્વારા વારંવાર માસ્ક પહેરવા અને સોશ્યલ ડીસ્ટન્સ જાળવવા બહોળી પ્રસિધ્ધી કરવામાં આવેલ અને કોરોનાના સંક્રમણની ગંભીરતા ધ્યાનમાં લેવા જાણ કરવા છતાં નિયમો ભંગ કરનાર સામે હવેથી કડક કાર્યવાહી કરવામાં આવશે. પડધરી પો. હેડ કો. યુવરાજસિંહ ગોહીલ, જયુભા જાડેજા, ડી.કે. પરમાર તેમજ મામલતદાર કચેરીના નાયબ મામલતદાર હર્દીપસિંહ જાડેજા, વિજયસિંહ પરમાર, પાયલબેન સોરીયા તેમજ શ્યામભાઇ નિમાવત વગેરે સાથે જોડાયા હતા.

(3:30 pm IST)
  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST

  • અયોધ્યામાં રામ મંદિર તીર્થ સ્થાન ટ્રસ્ટના મહામંત્રી ચંપતરાય વિરુદ્ધ સાધુ સંતોનો મોરચો : માતૃશક્તિનું અપમાન કરનારને ટ્રસ્ટમાંથી કાઢી મુકો :' જય શ્રીરામ ' ના નારા લગાવ્યા : ચંપતરાયની બુદ્ધિ શુદ્ધ થાય તે માટે હવન કર્યો access_time 1:30 pm IST

  • કાલાવડ રોડ પરના વાજડીમાં બિહારી યુવાન મોહમ્મદ જશીમની માથામાં ઘા મારી હત્યાઃ પંચરની કેબીન ધરાવતા યુવાનની કેબીન નજીક જ લાશ પડી હતીઃ માથામાં થયેલી ગંભીર ઇજા હુમલાથી થઇ કે કેમ?: પોસ્ટમોર્ટમ બાદ આગળ વધશે તપાસ કેબીન નજીક જ ઓરડીમાં રહેતો હતોઃ યુનિવર્સિટી પોલીસ અને એસઓજીની ટીમ ઘટના સ્થળે access_time 11:35 am IST