Gujarati News

Gujarati News

News of Tuesday, 18th June 2019

વીરપુર જલારામધામમાં શૌચાલયમાં પડી ગયેલ ગૌમાતાને ગૌસેવકોએ હેમખેમ બહાર કાઢયા

વીરપુર જલારામધામમાં જાહેર શૌચાલયની કુંડીમાં પડી ગયેલ ગૌમાતાને ગૌસેવકોએ જેસીબી મશીનની મદદથી બહાર કાઢેલ તે પ્રસંગની તસ્વીર.(તસ્વીરઃકિશન મોરબીયા)

વીરપુર,તા.૧૮: સેવાનો જયાં સૂરજ હમેશા તપતો રહે છે તેવા વીરપુર જલારામ ગામે ગૌસેવકોનું સેવાકીય પગલું, ગૌસેવકો દ્વારા ખૂંપી ગયેલ ગાયમાતાને જેસીબી થી હેમખેમ બહાર કાઢી હતી.

વીરપુર જલારામધામમાં રેલ્વે સ્ટેશન રોડ પર આવેલ પે એન્ડ યુઝ જાહેર સૌચાલયના કુંડીમાં કુંડી માથેનાં પાપડા કોઈ કારણોસર તૂટતા એક ગાય કુંડીમાં ખુંપી ગઈ હતી જયારે આ ઘટનાની જાણ કોઈએ ગૌસેવકોને જાણ કરતા ગૌસેવક ભુપતભાઇ ભરવાડ સહિતના ગૌસેવકો દોડી ગયા હતા અને ગાયમાતાને બચાવવા માટે જહેમત ઉઠાવી હતી.

જોકે સૌચાલયની કુંડીમાં થી ગાયમાતા બહાર નીકળી શકે તેમ ન હોય ત્યારબાદ ગૌસેવક ભુપતભાઇ ભરવાડે વીરપુરના સ્થાનિક સેવાભાવી એવા બટુકભાઈ ચાવડા તેમજ દીપકભાઈ ચાવડા તથા રોહિત ચાવડાને જાણ કરતા તુરંત જ રોહિતભાઈ ચાવડા પોતાનું જેસીબી લઈને ગાયમાતાને બહાર કાઢવા માટે જહેમત ઉઠાવી સૌચાલયની કુંડી માંથી ગાયમાતાને હેમખેમ બહાર કાઢી હતી.

વીરપુર સ્થાનિકોએ જણાવ્યું હતું કે રેલ્વે સ્ટેશન રોડ પર આવેલ પે એન્ડ યુઝ જાહેર સૌચાલયની કુંડીમાં અવારનવાર પશુઓ પડીને ખુંપી જાય છે,જેમને લઈને તંત્ર દ્વારા કોઈ નક્કર પગલાં ભરવામાં આવે તેવી ગૌરક્ષકોમાં તેમજ ગૌપ્રેમીઓમા માંગ ઉઠવા પામી છે.

(1:14 pm IST)
  • સંસદમાં કોંગી નેતાપદે ચૌધરી : લોકસભામાં કોંગ્રેસ પક્ષના નેતા તરીકે અધીર રંજન ચૌધરીનું નામ કોંગ્રેસે જાહેર કર્યુ access_time 4:03 pm IST

  • સૌરાષ્ટ્ર-કચ્છ-ગુજરાતમાં ચારેકોર વરસાદના વાવડ : રાજકોટ-ગીરજંગલ-ભાવનગર સહિત સૌરાષ્ટ્રમાં ઠેર-ઠેર વરસાદ પડી રહયાનું -સવારે પડી ગયાનું જાણવા મળે છે. ઉ.ગુજરાતમાં અને કચ્છમાં પણ સારા વરસાદના વાવડ છે. બનાસકાંઠા જીલ્લાના કેટલાક વિસ્તારોમાં વરસાદ પડી રહયો છે. : પાલનપુર, ડીસા, ધાનેરા, દાંતીવાડામાં વરસાદ વાપી અને આસપાસના વિસ્તારોમાં વરસાદ અમરેલી જીલ્લાના ગ્રામ્ય વિસ્તારોમાં વરસાદ રાજુલા જુની માંડરડી આગરીયા, કોટડી, ધારેશ્વરમાં વરસાદ જાફરાબાદના લોર, પીછડી, એભલવડ, માણસામાં વરસાદ : લાઠીમાં પણ ધીમીધારે વરસાદ પાટણમાં પણ વાતાવરણમાં પલટો access_time 1:05 pm IST

  • બિહારમાં ગરમીનો પ્રકોપ : સરકારે ૧૪૪મી કલમ લગાવી લોકોને ગરમીના પ્રકોપથી બચાવવા ગયામાં ૧૪૪મી કલમ લાગુ કરી દેવાઈ access_time 5:53 pm IST