Gujarati News

રાજકોટ, તા., ૧૮: આગામી રર જુન આસપાસ રાજકોટ એસટી ડીવીઝન હેઠળ આવતા સુરેન્દ્રનગરમાં ૮ કરોડ ૩૯ લાખના ખર્ચે બનનારા અને અંદાજે ૧૦ હજાર સ્કવેર ફુટમાં ઉભા થનારા અદ્યતન બસ સ્ટેન્ડનું ભુમીપુજન યોજાશે. વાહન વ્યવહાર મંત્રી શ્રી ઇશ્વરભાઇ પટેલના હસ્તે આ ખાતમુહુર્ત થઇ રહયાનું રાજકોટ એસટી ડીવીઝનના ઉચ્ચ અધિકારી સુત્રોએ ઉમેર્યુ હતું.

તેમણે જણાવ્યું હતું કે આ સાથે ટુંકમાં મોરબી-લખતર-ધ્રાંગધ્રામાં બની ગયેલા નવા બસ સ્ટેન્ડનું લોકાર્પણ યોજાઇ રહયું છે. આમ તો ૧૭ મીએ આ કાર્યક્રમ યોજાવાનો હતો. પરંતુ વાવાઝોડાને કારણે આ કાર્યક્રમ મુલત્વી રખાયો હતો.

સુરેન્દ્રનગરમાં બનનારૂ અદ્યતન બસ સ્ટેન્ડ બે માળનું રહેશે. શોપીંગ માટે ૧૪ દુકાનો, કેન્ટીન, પાણી, શૌચાલય, વેઇટીંગ રૂમ સહીતની સુવિધા ઉભી કરાશે.

આ બસ સ્ટેન્ડમાં કુલ ૧પ પ્લેટફોર્મ ઉભા કરાશે. હાલ સુરેન્દ્રનગર ડેપો ઉપરથી રોજની ર૩૦ જેટલી બસોનું આવન જાવન થાય છે. અંદાજે ૧૦ હજાર સ્કવેર ફુટમાં બસ સ્ટેન્ડ બનશે.

દરમિયાન વરસાદ-વાવાઝોડા સંદર્ભે હાલ રાજકોટ એસટી ડીવીઝનની રોજીંદી આવકમાં ઘટાડો નોંધાયો છે. ટ્રાફીક ઓછો હોય હાલ આવક ૪ર લાખે પહોંચી છે.