Gujarati News

Gujarati News

News of Tuesday, 18th May 2021

જામનગર-જીલ્લામાં કોરોના કેસ ઘટયા

(મુકુંદ બદિયાણી દ્વારા) જામનગર, તા. ૧૮: જામનગર જિલ્લામાં સ્‍વસ્‍થ થનાર કોરોનાના દર્દીઓની સંખ્‍યામાં સોમવારે પણ વધારો જોવા મળ્‍યો છે. ગઈકાલે જિલ્લામાં કુલ ૪૫૨ દર્દી સ્‍વસ્‍થ થયા અને જામનગર જિલ્લામાં પોઝિટિવ કેસોની સંખ્‍યા ઘટીને ૨૮૩ નોંધાઇ છે. સતત દિવસેને દિવસે નવા પોઝિટિવ કેસ દ્યટતા જામનગર જિલ્લાના લોકોને રાહતનો અનુભવ થઈ રહ્યો છે. જો કે તેની સામે જિલ્લામાં ટેસ્‍ટની સંખ્‍યા પણ ઘટી છે. જામનગર શહેર- જિલ્લામાં સોમવારે ૨૪ કલાકમાં પોઝિટિવ કેસ નો આંકડો ૩૦૦ ની અંદર જ જોવા મળ્‍યો હતો. સોમવારે જામનગર શહેરમાં ૧૯૨ અને જિલ્લાના ગ્રામ્‍ય વિસ્‍તારમાં ૯૧ મળી જિલ્લા નો કુલ આંકડો ૨૮૩ જાહેર થયો છે. જયારે જામનગર શહેરમાં ૩૨૮ દર્દીઓ અને જિલ્લાના ગ્રામ્‍ય પંથકમાં ૧૨૪ દર્દીઓ સ્‍વસ્‍થ થયાં છે. કાલે જામનગર જિલ્લામાં કોરોનાથી કુલ ૫ મોત થયાનું જાહેર કરવામાં આવ્‍યું છે. જેમાં જામનગર શહેરમાં ૩ મોત અને જિલ્લાના ગ્રામ્‍ય વિસ્‍તારમાં ૨ મોતની સતાવાર જાહેરાત કરવામાં આવી છે.

(1:46 pm IST)
  • તૌકતે ઇફેક્ટ : ગીરસોમનાથ જિલ્લાના તલાળામાં એક મોબાઈલ ટાવર ધરાશાયી થવાના સમાચાર આવ્યા છે. દયાનંદ સોસાયટીમાં અગાશી પર લગાવેલા મોબાઈલ ટાવર ધરાશાયી થયો છે. ચક્રવાતના ભારે પવનના કારણે મોબાઈલ ટાવર ધરાશાયી થયો છે. સદનસીબે કોઈ જ જાનહાનિના સમચાર આવ્યા નથી. access_time 1:40 am IST

  • સિંગાપોરના હાઈ કમિશને CM કેજરીવાલના નિવેદનનો રદિયો આપતા જણાવ્યું છે કે સિંગાપોરમાં નવો કોવિડ વેરિયન્ટ છે કે નહીં તે નિવેદનમાં કોઈ સત્યતા નથી. ફિલોજેનેટિક પરીક્ષણે બતાવ્યું છે કે સિંગાપોરમાં તાજેતરના સપ્તાહમાં બાળકો સહિત ઘણા કોવિડ કેસોમાં B.1.617.2 વેરિએન્ટ જ દેખાયો છે જે ભારતમાં હાલ પ્રવર્તમાન સ્થિતિમાં જોવા મળી રહ્યો છે. access_time 12:24 am IST

  • સુરતમાં વાવાઝોડાના પવને ૨૯ વૃક્ષોનો કડુસલો બોલાવ્યો : સુરતમાં તૌકતે વાવાઝોડાની અસરરૂપે તોફાની પવન સાથે વરસાદ તૂટી પડતા સવાર સુધીમાં ૨૯ ઝાડ તૂટી પડવાનાં બનાવો બન્યા છેઃ અઠવા ઝોનમાં ૬ સ્થળોઍ; રાંદેર ઝોનમાં ૮ સ્થળોઍ; વરાછા ઝોન-ઍ માં ૨ સ્થળોઍ; કતારગામ ઝોનમાં ૨ સ્થળે; સેન્ટ્રલ ઝોનમાં ૭ સ્થળોઍ; લિંબાયત ઝોનમાં ૨ સ્થળોઍ; ઉધના ઝોનમાં ૨ સ્થળોઍ વૃક્ષો ધરાશયી થયા. ઝાડ કાપી રસ્તા ખુલ્લા કરવાની કામગીરી હાથ ધરાઈ ; વૃક્ષો નીચે દબાયેલ વાહનોને બહાર કાઢવામાં આવ્યા : કોઈ જાનહાની નથી. access_time 12:47 pm IST