Gujarati News

Gujarati News

News of Tuesday, 18th May 2021

ગોંડલ શહેર તાલુકામાં તંત્ર સજ્જ : અનેકનું સ્‍થળાંતર

ગોંડલ,તા. ૧૮: ગોંડલ પ્રાંત અધિકારી રાજેશકુમાર આલે જણાવ્‍યું હતું કે તોક તે વાવાઝોડા સામે ઝીરો કેઝ્‍યુલીટી ના સંકલ્‍પ સાથે સુરક્ષિત રીતે લડવા ગોંડલ શહેર તાલુકા માં તંત્રને સજ્જ કરી આપવામાં આવ્‍યું છે ૧૦ કીમીની ત્રિજયામાં આવતા ગોંડલ તાલુકાના દડવા, દેરડી, ધરાડા, કરમાર કોટડા, કેશવાળા, મોટી ખીલોરી, પાટખીલોરી, રાવણા અને વાસાવડ નો સમાવેશ થાય છે આશરે ઉપરોક્‍ત આ ગામોની ૩૫,૦૦૦થી વસ્‍તીને વધુ અસર કરતા રહેવાની સંભાવના છે તેથી જરૂરી જણાતા લોકોનું સ્‍થળાંતર કરવામાં આવ્‍યું છે જરૂરી ગામમાં સેન્‍ટર હોમ, ઉભા કરાયા છે.

આ ઉપરાંત હોસ્‍પિટલ કોવીડ સેન્‍ટરો માં ઓક્‍સિજન કે દવાની દ્યટ ન થાય તે માટે પૂરતો સ્‍ટોક કરાવી દેવામાં આવ્‍યો છે ર્ીશ્‍શ્‍ફૂણૂદ્દફૂફુ ગામમાં આવેલા કાચા-મકાન-ઝુંપડાં પતરાના શેડ માં રહેતા લોકોનું સ્‍થળાંતર સેન્‍ટર હોમ એટલે પ્રાથમિક શાળા ખાતે કરી દેવામાં આવ્‍યું છે જયાં રાઉન્‍ડ ધ ક્‍લોક સ્‍ટાફને ડ્‍યુટી પર તૈનાત કરી દેવાયો છે જેની સાથે હેલ્‍થ પણ કાર્યરત રહેશે ફોરેસ્‍ટ નગરપાલિકા અને આર એન બી ખાતે કન્‍ટ્રોલ રૂમ શરૂ કરાયો છે જે સતત સંપર્કમાં રહેશે.

તંત્રની સાથોસાથ ગોંડલ શહેરમાં યુવા અગ્રણી જયોતિરાદિત્‍યસિંહ જાડેજા, નગરપાલિકા સતાધીશો આગેવાનો અને નગરપાલિકાની ટીમ સજ્જ થવા પામી છે જયારે તાલુકાના લુણીવાવ ગામે સરપંચ નિર્મળસિંહ, વાસાવડ તાલુકા પંચાયતના સદસ્‍ય હરિશયંદ્ર સિંહ ઝાલા, અનિડા ભાલોડી ના સરપંચ સામતભાઈ બાંભવા તેમજ હરમડિયા ના સરપંચ કરણસિંહજી દ્વારા જરૂરી લોકોનું સ્‍થળાંતર કરવામાં આવ્‍યું છે અને અગાઉથી જ સુરક્ષાના પગલા લેવામાં આવી રહ્યા છે.

(10:42 am IST)
  • અમદાવાદમાં બપોરે ૧ વાગ્યાથી વરસાદ શરૂ થયો છે. સાંજે ૫:૩૦ વાગ્યે પણ વરસાદ ચાલુ છે અને વરસાદની તીવ્રતા વધી છે access_time 5:27 pm IST

  • હવામાન ખાતાએ મોડી રાત્રે જાહેર કર્યા મુજબ સાયક્લોન તૌકતેની આખી આંખ (કેન્દ્ર) હવે સૌરાષ્ટ્રનો દરિયાકાંઠો વટાવી ને પૂર્ણતઃ જમીન પર આવી ગયું છે. ચક્રવાતનો પૂછડીયો (પાછળનો) ભાગ હવે જમીન પર પ્રવેશી રહ્યો છે. અત્યંત તીવ્ર ચક્રવાત તોફાન તૌકતે, જમીન પર પ્રવેશ્યા બાદ થોડો નબળો પડીને તીવ્ર ચક્રવાતી તોફાનમાં પરિવર્તિત થયું છે અને 17 મી મેના રોજ રાત્રે 11:30 વાગ્યે સૌરાષ્ટ્રમાં દીવથી આશરે 30 કિમી ઉત્તર-પૂર્વમાં કેન્દ્રિત હતું અને આગળ વધી રહ્યું છે. access_time 1:43 am IST

  • તૌકતે ઇફેક્ટ : ગીરસોમનાથ જિલ્લાના તલાળામાં એક મોબાઈલ ટાવર ધરાશાયી થવાના સમાચાર આવ્યા છે. દયાનંદ સોસાયટીમાં અગાશી પર લગાવેલા મોબાઈલ ટાવર ધરાશાયી થયો છે. ચક્રવાતના ભારે પવનના કારણે મોબાઈલ ટાવર ધરાશાયી થયો છે. સદનસીબે કોઈ જ જાનહાનિના સમચાર આવ્યા નથી. access_time 1:40 am IST