Gujarati News

Gujarati News

News of Saturday, 18th May 2019

લખતરમાં માતાની નજર સામે પુત્રએ પ્રાણ ખોયા

લખતરના સી. એન. જી. પમ્પ પાસે કડુ ગામનો યુવાન દીપકભાઇ દિલીપભાઇ ઉર્ફે દિલભાઇ મકવાણા ચુ. કોળી ઉ.૧૯ પોતાની માતા ગીતાબેન દિલીપભાઇ ઉર્ફે દિલાભાઇ મકવાણા ચુ. કોળી ઉ.૪પ સાથે લખતર ઘરકામ અર્થે આવી રહ્યા હતાં. ત્યારે સુરેન્દ્રનગર થી વિરમગામ તરફ જઇ રહેલા ડમ્પર સાથે અકસ્માત સર્જાયો હતો. તેમાં કડુના યુવાન દિપક દિલીપભાઇ મકવાણાનું ઘટના સ્થળે તેની માતા ગીતાબેન સામે કમકમાટી ભર્યુ મોત થયું હતું. જયારે અકસ્માત થતા યુવકનું બાઇક સળગી ઉઠતા અફરાતફરીનો માહોલ સર્જાયો હતો. આ ઘટનાની જાણ લખતર પોલીસને કરતા તુરંત ઘટના સ્થળે દોડીને યુવાનની લાશને પી.એમ. માટે લખતર સી. એચ. સી. અને માતાને સામાન્ય ઇજા થતાં સારવાર અર્થે દવાખાને ખસેડી હતી. જયારે ડમ્પર ચાલક ડમ્પર મુકી નાસી છૂટયો હતો. બાદમાં પોલીસે ડમ્પર ચાલક વિરૂધ્ધ પોલીસ ફરીયાદ નોંધી ડમ્પરને લખતર પોલીસ સ્ટેશનમાં સોંપી ડમ્પર ચાલકને પકડવા તપાસના ચક્રો ગતિમાન કર્યા હતાં.

(1:21 pm IST)
  • નવી નંબર પ્લેટ નહિ લગાડનારા સામે આકરા પગલા શરૂ : અમદાવાદમાં એચએસઆરપી નંબર પ્લેટ ન લગાવનાર સામે તવાઇઃ શહેર પોલીસે આરટીઓની સંયુકત કામગીરીને ૨૦૦થી વધુ વાહનો ડિટેઇન કર્યા access_time 1:16 pm IST

  • દક્ષિણ આંદામાનનો દરિયો, દક્ષિણ બંગાળના અમુક ભાગો અને નિકોબારના ટાપુમાં પણ પ્રવેશ : ચોમાસુ આંદામાનના દરિયામાં બેસી ગયુ : હવામાન વિભાગે જણાવ્યુ છે કે દક્ષિણ પશ્ચિમ ચોમાસુ આંદામાનના દરિયામાં બેસી ગયુ છે : ચોમાસુ પવનો દક્ષિણ આંદામાનના દરિયામાં મજબૂત થયા : વાદળો તેમજ વરસાદ પણ વધ્યો : સાથે ૩.૧ કિ.મી.થી ૫.૮ કિ.મી.નું એક અપરએર સાયકલોનીક સરકયુલેશન આંદામાનના દરિયામાં છે. જેથી આજે ૧૮ મેએ દક્ષિણ પશ્ચિમ ચોમાસુ દક્ષિણ આંદામાનના દરિયામાં, દક્ષિણ બંગાળની ખાડીના અમુક ભાગમાં તેમજ નિકોબાર ટાપુમાં પ્રવેશ કર્યો છે. ચોમાસુરેખા શ્રીલંકાની દક્ષિણેથી શરૂ થઈ ૮૦ ડિગ્રી ઈસ્ટ અને શ્રીલંકાની દક્ષિણેથી ચાલુ થઈ અને ૧૩ ડિગ્રી નોર્થ અને ૯૯ ડિગ્રી ઈસ્ટ સુધી લંબાય છે. access_time 3:26 pm IST

  • યેદિયુરપ્પાએ કર્યો ફરીવાર કર્ણાટક સરકારના પતનનો દાવો ;કહ્યું લોકસભા ચૂંટણી બાદ કોંગ્રેસ જેડીએસનું ગઠબંધન સરકાર તૂટી પડશે :કર્ણાટક ભાજપ અધ્યક્ષ અને પૂર્વ મુખ્યમંત્રી યેદિયુરપ્પાએ કોંગ્રેસ અને જેડીએસનું ગઠબંધન તકવાદી ગણાવ્યું હતું access_time 1:03 am IST