Gujarati News

(વિનુ જોષી દ્વારા) જૂનાગઢ તા. ૧૮ : જૂનાગઢ જેલમાં ત્રણ કેદી પાસેથી મોબાઇલ મળી આવતા ચકચાર વ્યાપી ગઇ હતી.

જૂનાગઢ જિલ્લા જેલના જેલ સહાયક કિરીટસિંહ ભાટી વગેરેએ ગઇકાલે ચેકીંગ હાથ ધર્યું હતું. આ દરમિયાન બેરેકના શૌચાલયના ગોખલામાં પ્લાસ્ટીકની કોથળીમાં વિંટાળી સંતાડીને રાખેલ મોબાઇલ ફોન મળી આવ્યો હતો.

આ અંગે તપાસ કરતા કેદી રોહિત બાબુભાઇ માંજરીયા, નરેશ ખીમજીભાઇ ભજગોતર અને સંજય અમરશીભાઇ રાયકાએ મોબાઇલ સંતાડયો હોવાનું જણાવ્યું હતું.

આથી આ ત્રણેય આરોપીઓ વિરૂધ્ધ એ-ડીવીઝન પોલીસમાં ગુનો નોંધી ધોરણસરની કાર્યવાહી કરવામાં આવી હતી.

આમ, જેલમાં ત્રણ બંદીજનોનો મોબાઇલ ફોન મળી આવતા જેલ પ્રશાસન પણ ચોંકી ઉઠયું હતું. વિશેષ તપાસ પીએસઆઇ વી.આર.ચાવડા ચલાવી રહ્યા છે.(