Gujarati News

Gujarati News

News of Monday, 18th January 2021

લૂંટના ગુનામાં ૧૧ વર્ષથી ફરાર ચડ્ડી-બનીયાનધારી ગેંગના સાગરીત મુકેશને ઝડપી લેતી એલસીબી

એલસીબીના પીઆઇ એ.આર.ગોહીલની રાહબરી હેઠળ મુકેશ મોહનીયાને શાપર વેરાવળમાંથી દબોચ્યો

રાજકોટ, તા.૧૮: હિંમતનગરના પ્રાંતીજ પોલીસ મથકમાં નોંધાયેલ લૂંટના ગુનામાં ૧૧ વર્ષથી ફરાર ચડ્ડી બનીયાનધારી ગેંગના સાગરીતને એલસીબીની ટીમે શાપર-વેરાવળમાંથી ઝડપી લીધો હતો.

મળતી વિગત મુજબ રૂરલ એસ.પી.બલરામ મીણાએ જીલ્લામાં નાસતા ફરતા આરોપીઓને પકડી પાડવા માટે સૂચના આપતા એલસીબીના પીઆઇ એ.આર.ગોહીલના માર્ગદર્શન હેઠળ પી.એસ.આઇ વી.એમ. કોલાદરા, હેડ કોન્સ રવીદેવભાઇ બારડ, અમીતસિંહ જાડેજા, મહેશભાઇ જાની, બાલકૃષ્ણભાઇ ત્રીવેદી, કોન્સ પ્રકાશભાઇ પરમાર તથા ભાવેશભાઇ મકવાણા સહિત પેટ્રોલીંગમાં હતા ત્યારે હેડકોન્સ રવિદેવભાઇ, બાલકૃષ્ણભાઇ, પ્રકાશભાઇને મળેલી બાતમીના આધારે શાપર-વેરાવળ જીઆઇડીસી વિસ્તારમાંથી ચડ્ડી બનીયાનધારી લૂંટારૂ ગેંગના સાગરીત મુકેશ બીયાભાઇ મોહનીયા (ઉ.વ.૩૦) (રહે. બીલીયા પટેલ ફળીયુ ધાનપુર, દાહોદ હાલ મુંજકા ગામ તા.રાજકોટ) ને પકડી લીધો હતો. પકડાયેલો મુકેશ ધાનપુરમાં મારામારી તથા ધમકીના ગુનામાં અને હીંમતનગરના પ્રાંતીજ પોલીસ મથકમાં લૂંટના ગુનામાં છેલ્લા ૧૧ વર્ષથી ફરાર હતો.

(1:39 pm IST)
  • પોલીઓની જેમ જ દેશમાંથી કોરોના પણ ભગાડશું: અમિતાભ બચ્ચન સુપ્રસિદ્ધ બૉલીવુડ અભિનેતા અમિતાભ બચ્ચને કોરોના રસીકરણને લઈને ટ્વીટ કરી કહ્યુ કે જેમ પોલિયોને આપણે ભારતમાંથી નાબુદ કર્યો તેમ જ ભારતને કોરોના મુક્ત પણ કરીશુ. access_time 8:35 pm IST

  • દેશમાં કોરોના હાંફી ગયો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,948 કેસ નોંધાયા :કુલ કેસની સંખ્યા 1,05, ,71,658 થઇ :એક્ટિવ કેસ 2,05,573 થયા: વધુ 13,164 દર્દીઓ સ્વસ્થ થતા કુલ 1,02,09,048 થયા :વધુ 136 લોકોના મોત સાથે કુલ મૃત્યુઆંક 1,52,447 થયા access_time 11:58 pm IST

  • ગુજરાતમાં ભારતની પ્રથમ લિથિયમ રિફાઇનરી 1000 કરોડના રોકાણ સાથે સ્થાપવામાં આવશે : મણિકરણ પાવર લિમિટેડ દ્વારા ઓસ્ટ્રેલિયાથી આયાત કરાયેલ લીથીયમ ઓર ને પ્રોસેસ કરીને બનાવાશે બેટરી ગ્રેડનું લીથીયમ access_time 11:09 pm IST