Gujarati News

Gujarati News

News of Monday, 18th January 2021

સુરેન્દ્રનગરમાં એકટીવાની ડેકીમાં રાખેલ સવા ત્રણ લાખ રોકડાની ચોરી

વઢવાણ, તા. ૧૮ : વઢવાણ ખાતે વસવાટ કરતા સરફરાજભાઇ ઇસ્માલભાઇ લાખવા જાતે ધાંચી ઉં.વ.૨૫ ધંધો બાંધણીનો રહે.વઢવાણ શીયાણીની પોળ મોટાપીરના ચોકમાં નાએ ફરીયાદ નોંધાવેલ છે કે, મેઇન રોડ ઉપર આવેલ એકસ પાર્સલ પોઇન્ટ સામે આવેલ સીટી પ્લસ સોડા વાળા યોગી કોમ્પલેક્ષની બાજુ ડેલામા કાળા કલરનુ એકટીવા ૪જી સ્કુટર નં.GJ-27-BQ-389૨ વાળાની કિં.રૂ. ૨૫,૦૦૦/ તથા તેની ડેકીમા રાખેલ રોકડા રૂ.આશરે ૩,૩૬,૦૦૦/ એમ મળી રૂ.૩,૬૧,૦૦૦/ ના મુદ્દામાલની ચોરી કરી આરોપી ફરાર બન્યા છે.

ત્યારે સુરેન્દ્રનગર શહેરી વિસ્તારમાં ધોળા દિવસે અને તેની અંદરની ડેકી માં પડેલા ૩.૬૦ લાખની મતાની ચોરી કરી અને ચોરો ફરાર બની જવા પામ્યા છે ત્યારે હાલમાં સુરેન્દ્રનગર સીટી પોલીસ દ્વારા આજુબાજુના સીસીટીવી ફૂટેજ  મેળવવામાં આવ્યા છે ત્યારે ફૂટેજના આધારે સીટી પોલીસ મથકના પોલીસ કર્મીઓ દ્વારા તપાસનો ધમધમાટ શરૂ કરી દેવામાં આવ્યો છે પો.સબ ઇન્સ. વાય.એસ.ચુડાસમા તપાસ કરે છે.

(1:36 pm IST)