Gujarati News

Gujarati News

News of Monday, 18th January 2021

ખંભાળીયાના સોનારડી પાસે અકસ્માતમાં ૩નાં મોત

ભાટીયા અને અમદાવાદના પરિવારની કારને અકસ્માત નડયોઃ ૬ને ઇજા

(કૌશલ સવજાણી દ્વારા) ખંભાળીયા તા. ૧૮ :.. ખંભાળીયા - દ્વારકા હાઇવે  દ્વારકાથી ખંભળીયા  તરફ સોનારડીની નજીક બે કાર વચ્ચે અકસ્માત સર્જાતા ત્રણ વ્યકિતના ઘટના સ્થળે મોત નિપજતા અરેરટી વ્યાપી ગઇ છે.

ખંભાળીયા દ્વારકા રોડ પર આજે સવારે છએક વાગ્યે ભાટીયાથી જામનગર જતી કાર તથા અમદાવાદથી દ્વારકા જતી કાર સામસામી અથડાતા તેમાં ત્રણના મોત નિપજયા હતા તથા છ ઇજાગ્રસ્ત થયા હતા વહેલી સવારે ધડાકા સાથે આ બનાવ બનતા હાઇવે પર ઘાયલોની મૃતકોની ચીસો ગૂંજી ઉઠી હતી.

બનાવની વિગત એવી છે કે દેવભૂમિ દ્વારકા જિલ્લાના ભાટીયાના સંદીપભાઇ ગોમીયા ઉ.ર૪ વાળા સહિતના લોકો જી. જે. ૧૦ બી. આર. ૯૦૬૩ નંબરની મારૂતિકાર લઇને જતા હતા ત્યારે સોનારડી ગામના પાટીયા પાસે હાઇવે પર સામેથી આવતી અમદાવાદની કાર નં. જી. જે. ર૭ ડી. બી. ૧ર૧૩ હુન્ડાઇ કાર અથડાત બન્ને કારના ભુકકા થઇ ગયા હતા તથા એક કાર ઉંધી વળી ગઇ હતી.

બનાવમાં એક મહીલા સહિત ત્રણનું ઘટના સ્થળે જ કરૂણ મોત નિપજયા હતા તથા બનાવની જાણ થતાં ૧૦૮ ની ટીમ દ્વારા છ ઇજાગ્સ્તોને ખંભાળીયા ખસેડાયા હતા જેમાં ચારને જામનગર તથ બેને દેવભૂમિ હોસ્પિટલ ખંભાળીયામાં દાખલ કરાયા હતાં.

ભાટીયાની એક આહિર યુવતી પરીક્ષા દેવા જામનગર જતી હતી તેનું મોત નિપજયુ હતું. જયારે બે વ્યકિત અમદાવાદના હોવાનું જાણવા મળેલ છે. ત્રણેયના મૃતદેહને ખંભાળીયા સરકારી હોસ્પિટલમાં પી. એમ.  માટે લાવવામાં આવ્યા છે.

(12:09 pm IST)
  • ગુજરાતના રાજયપાલ આચાર્ય દેવવ્રતજીને જન્‍મદિનની શુભેચ્‍છા પાઠવતા વિજયભાઇ રૂપાણી : મુખ્‍યમંત્રીશ્રી વિજયભાઇ રૂપાણીએ ગુજરાત રાજયના રાજયપાલ આચાર્ય દેવવ્રતજીના આજે જન્‍મ દિવસ અવસરે તેમને રાજભવન ખાતે પ્રત્‍યક્ષ મળીને દીર્ધાયુ અને સ્‍વસ્‍થ જીવનની શુભેચ્‍છાઓ પાઠવી હતી. access_time 1:32 pm IST

  • પ. બંગાળ, તામિલનાડુ, આસામ અને પુડ્ડુચેરી વિધાનસભાની ચૂંટણીઓ આ વર્ષે એપ્રિલ મહિનાના ત્રીજા અઠવાડિયામાં યોજાય તેવી સંભાવના છે access_time 2:03 pm IST

  • ગણતંત્ર દિવસ પર કિશાન માર્ચ અંગે જોડાયેલી અરજી પર સુપ્રિમ કોર્ટમાં સુનાવણી ટળી : હવે ૨૦ જાન્‍યુઆરીએ નિર્ણય લેવાશે : ૨૬ જાન્‍યુઆરી એટલે કે ગણતંત્ર દિવસના દિવસે ખેડૂતો દ્વારા ટ્રેકટર રેલી વિરૂદ્ધ દાખલ કરવામાં આવેલી અરજી પર આજે સુપ્રિમમાં સુનાવણી થવાની હતી : પરંતુ કોર્ટે હાલમાં આ નિર્ણયને ૨૦ જાન્‍યુઆરી સુધી મોકૂફ રાખ્‍યો છે : કોર્ટમાં દિલ્‍હી પોલીસ દ્વારા આ અરજી દાખલ કરવામાં આવી હતી access_time 10:37 am IST