Gujarati News

Gujarati News

News of Monday, 18th January 2021

હળવદઃ ગૌવંશ પર હુમલા કરનાર બે આરોપીઓની પાસા હેઠળ ધરપકડ

(દીપક જાની દ્વારા) હળવદ, તા.૧૮: હળવદ પંથક હમણાથી નિર્દોષ અને અબોલ ગૌવંશ ઉપર અમાનુષી અત્યાચારથી ખળભળી ઉઠ્યું હતું. પોલીસનો કે કાયદાનો કશો જ ડર ન હોય તેમ નરાધમો એટલી હદે બેફામ બન્યા હતા કે છેલ્લા થોડા સમયથી દિવસ ઉગેને કોઈને કોઈ ગામમાં ગૌવંશ ઉપર હુમલાની દ્યટના સામે આવતી હતી. જેમાં કોઈ ગામમાં ગૌવંશ ઉપર એસિડ એટેક કે કુહાડી જેવા તીક્ષ્ણ હથિયારોથી હુમલા કે ઝેરી પદાર્થ ખવડાવીને મોતને ઘાટ ઉતારી દેવાના બનાવો સામે આવતા લોકોમાં ઉગ્ર આક્રોશ વ્યાપી ગયો હતો. દરમ્યાન હળવદના માથક ગામે થોડા દિવસો અગાઉ ગૌવંશ ઉપર હુમલાના બનાવમાં બે શખ્સોની પોલીસે ધરપકડ કરી હતી.

આથી, ગૌવંશ કે કોઈ અબોલ પશુઓ ઉપર નિર્દયી હુમલા કરતા પહેલા નરાધમોના હાથ કંપી ઉઠે તે માટે પોલીસે આ બન્ને આરોપીઓ સામે કડક કાર્યવાહી કરી હતી. જેમાં જિલ્લા પોલીસ વડા એસ. આર. ઓડેદરા તથા ડીવાયએસપી રાધિકા ભારાઈના માર્ગદર્શન હેઠળ પોલીસ દ્વારા ગૌવંશના હુમલાના આ બંને આરોપીને પાસા કરવાની જિલ્લા કલેકટરને દરખાસ્ત કરવામાં આવી હતી. જે દરખાસ્ત ઉપર કલેકટરે મંજૂરીની મહોર મારતા પોલીસે ગૌવંશ પરના હુમલાના બે આરોપીઓની પાસા હેઠળ ધરપકડ કરી હતી. જેમાં એક આરોપી રાજુ ભીમલાભાઈ નાયકને સુરત લાજપોર જેલમાં તેમજ બીજા આરોપી બકા રૂપાભાઈ નાયકને અમદાવાદ મધ્યસ્થ જેલમાં ધકેલી દેવાયો હતો.

(12:06 pm IST)
  • ગુજરાતમાં ભારતની પ્રથમ લિથિયમ રિફાઇનરી 1000 કરોડના રોકાણ સાથે સ્થાપવામાં આવશે : મણિકરણ પાવર લિમિટેડ દ્વારા ઓસ્ટ્રેલિયાથી આયાત કરાયેલ લીથીયમ ઓર ને પ્રોસેસ કરીને બનાવાશે બેટરી ગ્રેડનું લીથીયમ access_time 11:09 pm IST

  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST

  • ગુલામ મુસ્તફા ખાન સાહેબનું નિધન: નરેન્દ્રભાઈએ શોક વ્યક્ત કર્યો મુંબઈઃ ભારતીય શાસ્ત્રીય સંગીતકાર ઉસ્તાદ ગુલામ મુસ્તફા ખાન સાહેબનું નિધન થયું છે. પ્રધાનમંત્રી નરેન્દ્રભાઈ મોદીએ ગુલામ મુસ્તફા ખાન સાહેબના નિધન અંગે શોક વ્યકત કર્યો છે. access_time 8:30 pm IST