Gujarati News

રાજકોટ તા. ૧૮: કોટડા સાંગાણીના નાના માંડવા પાસે વાડી પાસે હલણ બાબતે ભરવાડ શખ્સે ઝઘડો કરી પટેલ યુવાનને પથ્થર તથા લાકડી વડે મારમારતા પટેલ યુવાનને રાજકોટ સિવિલ હોસ્પિટલમાં ખસેડાયો છે. 

મળતી વિગત મુજબ નાના માંડવા ગામમાં રહેતા વિોદભાઇ બુચુભાઇ ઠુમ્મર (ઉ.વ.૪૫) ગઇકાલે પત્ની સાથે  પોતાની વાડીએ ગાડામાં બેસીને ઘરે આવતા હતા ત્યારે બાજુમાં વાડી ધરાવતા  અજા ભરવાડે ગાડુ ઉભુ રખાવી 'અહીથી શુ કામ ગાડુ લઇને નિકળે છે' તેમ કહી ઝઘડો કર્યો હતો. બાદ તેણે  ઉશ્કેરાઇને વિનોદભાઇને પથ્થર તથા લાકડી વડે મારમાર્યો હતો. દેકારો બોલતા આસપાસના લોકો એકઠા થઇ જતા  અજા ભરવાડ નાસી ગયો હતો. અને વિનોદભાઇને સારવાર માટે રાજકોટ સિવિલ  હોસ્પિટલમાં ખસેડાયા હતા. આ બનાવ અંગે હોસ્પિટલ ચોકી ઈન્ચાર્જે કોટડા સાંગાણી પોલીસને જાણ કરતા પોલીસે તપાસ હાથ ધરી છે.