Gujarati News

Gujarati News

News of Friday, 18th January 2019

પોરબંદરનાં જખૌ પાસે બોટની જળ સમાધી કોસ્ટ ગાર્ડે ખલાસીઓને બચાવી લીધા

આંતર રાષ્ટ્રીય જળસીમા પાસે શંકાસ્પદ હીલચાલ અંગે તપાસઃ બપોરે વિગતો જાહેર થશે

પોરબંદર તા. ૧૮ :.. અહીંના સમુદ્રમાં આંતર રાષ્ટ્રીય જળ સીમા પાસે આજે સવારે ૧ બોટ ડુબી જવાનો બનાવ બન્યો હતો. જો કે કોષ્ટ ગાડે  બોટમાં સવાર ખલાસીઓને બચાવી લીધા હતાં.

આ બનાવની પ્રાપ્ત વિગતો મુજબ આજે પોરબંદરનાં દરિયામાં આંતર રાષ્ટ્રીય જળસીમામાં જખો પાસે ભારતની બોટે જળ સમાધી લઇ લીધી હતી. દરમિયાન પોરબંદર કોસ્ટ ગાર્ડને કોલ મળતાં કોસ્ટગાર્ડ તાત્કાલીક સ્થળ પર પહોંચી અને બોટમાં સવાર છ જેટલાં ખલાસીઓને બચાવી લીધા હતાં.

દરમિયાન સુત્રોએ જણાવ્યુ હતું કે આ આંતર રાષ્ટ્રીય જળ સીમા પર કોસ્ટ ગાર્ડને શંકાસ્પદ હીલચાલ પણ નજરે પડી હતી. જે અંગેની સત્તાવાર વિગતો બપોરે જાહેર કરવામાં આવનાર છે. (પ-રપ)

 

(11:37 am IST)
  • રાષ્ટ્રપતિ રામનાથ કોવિંદે કહ્યું 'કુંભ આસ્થાનું ચુમ્બક છે જે લોકોને ખેંચી લાવે છે :રાષ્ટ્રપતિએ કહ્યું કે આ મારુ સૌભાગ્ય છે કે ભારતના પ્રથમ રાષ્ટ્રપતિ ડો,રાજેન્દ્રપ્રસાદ બાદ મને કુંભમેળામાં મોક્ષદાયિની ગંગાના પવન તટ પર આવવાનો અવસર મળ્યો access_time 1:15 am IST

  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST

  • કોલકતામાં મમતા બેનર્જીની સંયુક્ત ભારત રેલીમાં વિપક્ષી નેતાઓનો જમાવડો :એચડી કુમારસ્વામી , એમ, કે,સ્ટાલિન ,ચંદ્રાબાબુ નાયડુ,ફારૂક અબ્દુલ્લા,અખિલેશ યદાબ પહોંચ્યા :હાર્દિક પટેલ પણ કોલકતા પહોંચ્યો : બસપાના સતિષચંદ્ર મિશ્રા,એનસીપીના શરદ પવાર,આરએલડીના અજીતસિંહ,તેમજ યશવતસિંહા, જીજ્ઞેશ મેવાણી ,જે,વી,એમના બાબુલાલ મરાંડી મંચ પર બિરાજશે access_time 1:08 am IST