Gujarati News

Gujarati News

News of Tuesday, 17th November 2020

દેશના ધનાઢ્ય ઉદ્યોગપતિ ગૌતમ અદાણીએ કચ્છના ગામડામાં કરી નવા વર્ષની ઉજવણી- શેખડીયા ગામે ખાટલા પર સહપરિવાર કચ્છી ભોજનની મોજ માણી

(વિનોદ ગાલા) ભુજ : દેશના અગ્રીમ ઉધ્યોગપતિ ગૌતમ અદાણીએ નવા વર્ષની અનોખી રીતે ઉજવણી કરી હતી. ગૌતમભાઈ, તેમના પત્નિ ડો. પ્રિતીબેન, પુત્ર જીત અને ભત્રીજા રક્ષિત સાથે મુન્દ્રા તાલુકાના શેખડીયા ગામના દેવલબેન ગઢવીના મહેમાન બન્યા હતા. અહી તેમણે ખાટલા અને ગોદડી પર બેસીને કચ્છી પરંપરાગત વાસણોમાં ભોજન કર્યું હતું. તેમણે બાજરાનો રોટલો, ગુવાર બટેટાનું શાક, રીંગણાનો ઓળો, ખારી ભાત સાથે મિઠાઇમાં દેશી લાડુ અને ખીરની મોજ માણી હતી. અદાણી પરિવારે યજમાન પરિવારના વડીલના આર્શિવાદ લઈ સૌને નવા વર્ષની શુભેચ્છાઓ પાઠવી હતી. દેશના બીજા નંબરના ધનાઢ્ય વ્યકિત ગૌતમભાઈએ પોતાના ટ્વીટર એકાઉન્ટ ઉપર આ અનુભવ શેર કરતાં લખ્યું છે કે, દરેક ઘરની એક આગવી ઉષ્મા, હુંફ અને લાગણી હોય છે. દેવલબેનના ઘરની મુલાકાત અમને તેમની અનુકંપાભરી સમાજસેવા તરફ લઈ ગઈ. નવા વર્ષની અનુભૂતિ આનાથી વધુ હૃદયસ્પર્શી હોઈ ન શકે. દેવલબેન ગઢવી અદાણી ગ્રુપ દ્વારા ચાલતી સામાજિક સેવાકીય સંસ્થા અદાણી ફાઉન્ડેશન સાથે સંકળાયેલા છે.

(4:38 pm IST)
  • તામિલનાડુના મદુરાઈમાં દિલ કંપાવી દેનારી ઘટના : ધોળે દિવસે અનેક લોકોની હાજરી વચ્ચે હુમલાખોરોએ મુરુગનન્દમ નામક વ્યક્તિનું માથું કાપીનાખ્યું : સેન્ટ મેરી ચર્ચની સામે ફેંકી પલાયન થઇ ગયા : રસ્તે ચાલતી વ્યક્તિએ વિડિઓ ઉતારી લીધો : હુમલાખોરોની કાર જપ્ત કરવામાં પોલીસને સફળતા access_time 6:13 pm IST

  • દિલ્હીમાં કીડવાઈ ભવન ખાતે આવેલ એમટીએનએલ બિલ્ડીંગના છઠ્ઠા માળે મોટી આગ ફાટી નીકળી છે : ફાયરબ્રિગેડની ૧૫ ગાડીઓ સ્થળ પર દોડી ગયેલ છે access_time 1:02 pm IST

  • શેરબજારમાં આજે સવારે પ્રિ-ઓપન સેશનમાં સેન્સેકસ ૪૦૦ પોઈન્ટ ઉંચકાઈને ૪૪ હજારને પાર કરી ગયો છે : જયારે નીફટી ૧૨,૯૦૦ ઉપર પહોંચેલ છે access_time 12:09 pm IST