Gujarati News

Gujarati News

News of Thursday, 17th September 2020

જુનાગઢમાં જુગાર રમતા દંપતી, ૪ મહિલા સહીત ૯ શખ્સો ઝબ્બે

જુનાગઢ, તા., ૧૭: જુનાગઢમાં જુગાર રમતા દંપતી તથા ૪ મહિલા સહીત ૯ શખ્સોને પોલીસે રૂ.૬૧ હજારના મુદામાલ સાથે ઝડપી લઇ ધોરણસરની કાર્યવાહી કરી હતી. જુનાગઢમાં ઝાંઝરડા રોડ પર આવેલ વૈભવ પાર્ક બ્લોક નં. ૪માં રહેતા પુષ્પાબેન વજુભાઇ આટોદરીયા (ઉ.વ.પ૩) તેના રહેણાંક મકાને જુગાર રમાડતા હોવાની બાતમી મળતા બી ડીવીઝનના જમાદાર પટેલભાઇ બાવનજીભાઇ વગેરેએ ગઇ સાંજે  દરોડો પાડયો હતો.

જેમાં પોલીસે પુષ્પાબેન તથા તેમના પતિ વજુભાઇ છગનભાઇ આટોદરીયા ઉપરાંત કેશોદના જેશા કારાભાઇ કોડીયાતર, પાડોદર ગામનો કમલેશ ભીખાભાઇ મિયાત્રા, કેશોદનાં રાણીબેન કરશન ભારાઇ, જુનાગઢ દિપાંંજલીબેના લીલાબેન પાલાભાઇ કરમુર, જુનાગઢ હર્ષદનગરના ઇમરાનાબેન રફીક પઠાણ અને ભેસાણનાં રમળીયા ગામનો રવજી ખીમજીભાઇ ખુમાણ સહીત ૯ જણાને રૂ. રપ૧૪૦ની રોકડ સાથે જુગાર રમતા પકડી પાડયા હતા.

પોલીસે જુગારીઓ પાસેથી રોકડ તેમજ મોબાઇલ અને મોટર સાયકલ સહીત કુલ રૂ. ૬૧,૧૪૦નો મુદામાલ કબ્જે કર્યો હતો.

(1:17 pm IST)
  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST