Gujarati News

રાજકોટઃ સવારે વરસતા વરસાદમાં રાજકોટથી સાયલા તરફ જઇ રહેલું ડમ્પર ડિવાઇડર સાથે અથડાઇને પલ્ટી મારી જતાં ટ્રાફિક જામ થઇ ગયો હતો. કલાકો સુધી વાહનોની કતાર જામી હતી. જાણ થતાં કુવાડવા રોડ પોલીસ મથકના એએસઆઇ ફતેહસિંહ સોલંકી, જયંતિભાઇ સહિતનો સ્ટાફ, બે પીસીઆ વેન અને ટ્રાફિક પોલીસનો કાફલો પહોંચ્યો હતો. ક્રેઇન મંગાવીને ડમ્પર સાઇડમાં લેવડાવી ટ્રાફિક કલીયર કરાવવા કાર્યવાહી થઇ હતી. અકસ્માત સર્જાતાં ચાલક ડમ્પર મુકી ભાગી ગયો હતો. સદ્દનસિબે કોઇને ઇજા થઇ નહોતી. તસ્વીરમાં પલ્ટી ખાઇ ગયેલા ડમ્પર પાસે એએસઆઇ ફતેહસિંહ તથા બીજી તસ્વીરમાં વાહનોની કતાર જોઇ શકાય છે