Gujarati News

ગોંડલ તા. ૧૭ : ગોંડલના આશાપુરા સોસાયટીમાં રહેતા કવિતાબેન જીગ્નેશ ભાઈ ચૌહાણ ઉંમર વર્ષ ૩૦ કોઈ અગમ્ય કારણોસર પોતાના ઘરે કેરોસીન છાંટી જાત જલાવી આપઘાત કરી લેતા સીટી પોલીસના જમાદાર રફિકભાઈ એરંડિયા એ દોડી જઈ તપાસ હાથ ધરી હતી.

આપઘાત કરનાર કવિતાબેનના કપુરીયા ચોકમાં રહેતા બહેને ૧ વર્ષ પહેલાં કેરોસીન છાંટી આપઘાત કરી લીધો હોય તેના ગમમાં કવિતાબેન પણ ગુમસુમ રહેતા હતા અને મનમાં ને મનમાં વિચાર્યા કરતાં હતા કે જો હું સમયસર તેની પાસે સમજાવવા પહોંચી ગઈ હોત તો તેને બચાવી શકી હોત, બહેનના આપઘાતના ગમમાં કવિતાબેને પણ આપઘાત કરી લીધો હોવાનું પોલીસ સૂત્રોએ જણાવ્યું.