Gujarati News

મોરબીના રવાપર ચોકડી નજીક આજે બપોરના સુમારે એક બાળક કેનાલમાં પડી ગયું હોય જે બાળકને શોધવા માટે મોડી સાંજ સુધી ફાયર ટીમે મથામણ કરી હતી જોકે રાત્રી સુધી બાળકનો પત્તો લાગ્યો નથી
  મોરબીના રવાપર ચોકડી નજીક ચોકીદાર તરીકે કામ કરનાર કમલભાઈ વિશ્વકર્માનો ત્રણ વર્ષનો દીકરો રોહિત રમતા રમતા કેનાલમાં પડી ગયો હોય જે બનાવની જાણ કરવામાં આવતા મોરબી ફાયર વિભાગની ટીમ સ્થળ પર દોડી ગઈ હતી અને બાળકને શોધવા માટે સર્ચ ઓપરેશન ચલાવ્યું હતું જોકે કલાકોની મથામણ કર્યા બાદ પણ મોડી સાંજ સુધી બાળકનો પત્તો લાગ્યો ના હતો
કેનાલમાં પાણીનો પ્રવાહ વધુ હોય જેથી બાળક જે જગ્યાએ કેનાલમાં પડ્યું તેની આસપાસના વિસ્તારમાં પણ સર્ચ કરવામાં આવ્યું હતું જોકે અંધકાર છવાયો ત્યાં સુધી ફાયર ટીમે સર્ચ કર્યા છતાં હજુ સુધી બાળકનો પત્તો લાગ્યો નથી