Gujarati News

Gujarati News

News of Monday, 17th June 2019

ચોટીલાના નાનીયાણી ગામમાં જુગારની રેડ પાડવા ગયેલ પોલીસને માર પડતા ચકચાર

વઢવાણ તા.૧૭: ચોટીલા તાલુકાના નાનીયાણી ગામમાં ચોટીલા પોલીસ સ્‍ટેશનના જમાદાર દેવાભાઇ ખીમાભાઇ રબારી, પોલીસ કોન્‍સ્‍ટેબલ રાજેશભાઇ તથા દિપકભાઇ વગેરે નાનીયાણી ગામમાં જુગારની રેડ કરવા ગયેલ ત્‍યારે પોલીસ કાયદેસરની કાર્યવાહીના કરી શકે તે માટે જુગાર રમી રહેલા શખ્‍સો એ એકદમ ઉશ્‍કેરાઇ જઇને લાકડી તથા પાઇપ વડે માર મારેલ જ્‍યારે પોલીસ કર્મી રાજેશભાઇ તથા દિપકભાઇને પણ ગાળો આપી હતી.

આ બનાવથી સમગ્ર ચોટીલા પંથકમાં ચકચાર મચી ગઇ છે.

આ અંગે ચોટીલામાં જમાદારગ તરીકે ફરજ બજાવતા દેવાભાઇ રબારીએ ફરજમાં રૂકાવટ કરવા સહિત માર મારવા અંગે નાનીયાણી ગામના રણછોડભાઇ લધુભાઇ કટાસણીયા, લઘુભાઇ સવાભાઇ કટાસણીયા, ભુપતભાઇ લઘુભાઇ કટાસણીયા, રઘુભાઇ લવજીભાઇ ગોરાણીયા, દશરથભાઇ લઘુભાઇ કટાસણીયા, જગાભાઇ મગનભાઇ કટાસણીયા જોરાભાઇ મગનભાઇ કટાસણીયા તથા મોટા હરણીયાના જગાભાઇ હમીરભાઇ કંબોયા, રાયધનભાઇ કંબોયા અને સામતભાઇ લઘરાભાઇના ભાણેજ સાયલા ના વનાભાઇ સામે લાકડી, પાઇપ વતી માર મારવાના અને બાઇકને નુકશાન પહોંચાડવા અંગે ગુનોં દાખલ કરાવ્‍યો હતો.

ચોટીલા તથા થાનગઢ પંથકમાં છેલ્લા કેટલાક સમયથી કાયદો અને વ્‍યવસ્‍થા કથળી ગયાની ફરીયાદ ઉઠી છે અને ઠેકઠેકાણે દેશી વિદેશી દારૂ,છાનાખુણે ધમધમતા જુગારના હાટડા, ક્રિકેટના વર્લ્‍ડ કપ ઉપર રમાઇ રહેલો સટ્ટો સહિત ચોટીલામાં ઠેકઠેકાણે બેફામ દબાણ અને ટ્રાફિક સમસ્‍યા સહિત અસામાજીક તત્‍વો બેફામ બન્‍યા છે ત્‍યારે ચોટીલા પોલીસમાં બદલી થવી પણ ખાસ જરૂરી છે તેવો સુર ચોટીલા ની પ્રજામાં જાગ્‍યો છે.(

(2:03 pm IST)
  • ટૂંક સમયમાં રેલવેનું પ્રચારકાર્ય ખાનગી કંપનીઓને સોંપી દેવામાં આવશે : રેલવેની પબ્લીસીટીનું કાર્ય ટૂંક જ સમયમાં ખાનગી પીઆર પ્રોફેશનલોને સોંપવામાં આવશે અને તેઓ આ અંગેની ઝુંબેશ ચલાવશે તેમ જાણવા મળે છે. access_time 1:05 pm IST

  • જામનગર-કચ્છ-ધ્રોલ-દ્વારકા-ઓખામાં બપોરે રII વાગ્યાથી પ૦ કિ.મી. ઝડપે તોફાની પવન : કચ્છમાં પહોંચેલા વાયુ વાવાઝોડાને કારણે જામનગર-ઓખા-દ્વારકા-ધ્રોલ-મીઠાપુર-ખંભાળીયા-કચ્છમાં બપોરે રII વાગ્યાથી પ૦ કિ.મી. ઝડપે તોફાની પવન ફુંકાવાનું શરૃઃ વિજ તંત્રે સંખ્યાબંધ ફીડરો બંધ કર્યાઃ અનેક સ્થળે તાર તૂટી ગયા access_time 4:25 pm IST

  • પોરબંદર દરિયા કિનારે બંદર ઉપર ૩ નંબરનું સિગ્નલ : પોરબંદરના દરિયા કિનારે બંદર ઉપર ૩ નંબરનું સિગ્નલ લગાવવામાં આવ્યું છે : આગામી સમયમાં ભારે પવન અને વરસાદ પડે તેવી આગાહી કરવામાં આવી છે અને માછીમારોને દરિયો ન ખેડવા ચેતવણી આપી છે access_time 4:26 pm IST