Gujarati News

 જાણવા મળ્યા મુજબ જૂનાગઢ સિવિલ હોસ્પિટલમાં એક મહિલાને સારવાર માટે દાખલ કરવામાં આવી હતી. મહિલાએ પાંચમા માળે એડમિટ હતી. તેણે હોસ્પિટલની અગાસી ઉપર ચડી. અગાસી ઉપરથી કૂદકો મારવાની તૈયારી કરી હતી. જોકે, હોસ્પિટલના ચોકીદાર આ મહિલાને જોઈ ગયો હતો. અને અન્ય લોકોને મદદ માટે બોલાવી લીધા હતા. મહિલાને સમજાવીને બે યુવકોએ બચાવી લીધી હતી

  જાણવા મળ્યા મુજબ બે દિવસથી મહિલાને હોસ્પિટલમાં સારવાર માટે દાખલ કરવામાં આવી હતી. સાથે જાણવા મળ્યું હતું કે મહિલાએ આ બીજી વખત આત્મહત્યાનું પગલું ભર્યું છે. આ મહિલા શહેરમાં રહેતા ભદ્ર સમાજની હોવાનું પણ માનવામાં આવી રહ્યું છે. પોલીસે આ અંગે માહિતી આપવાની સ્પષ્ટ ના પાડી હતી