Gujarati News

(વિનોદ ગાલા દ્વારા)(ભુજ) સૌરાષ્ટ્ર કચ્છ તરફ આગળ વધતું 'તોક્તે' વાવાઝોડું ભયજનક બનતું જાય છે. ત્યારે રદઆગોતરી સલામતીના ભાગ રૂપે દેશના મહા બંદર કંડલા પોર્ટ દ્વારા ૮ નંબરનું અતિ ભય સૂચક સિગ્નલ લગાવાયું છે. ચેરમેન એસ. કે. મહેતાએ ગઈકાલથી જ બંદરની ગતિવિધિઓ ઠપ્પ કરવાનો આદેશ આપ્યો હતો. જ્યારે પોર્ટ પ્રશાસન દ્વારા ૪૦૦૦ લોકોનું સલામત જગ્યાએ સ્થળાંતર કરાયું હોવાનું પીઆરઓ ઓમપ્રકાશ દાદલાણીએ જણાવ્યું હતું. આ ઉપરાંત કચ્છના માંડવી બંદરે પણ ૮ નંબરનું ભયસૂચક સિગ્નલ લગાવાયું છે. નીચાણવાળા વિસ્તારોમાં રહેતા લોકોને અન્ય સલામત જગ્યાએ ખસેડાયા છે. માંડવી બીચ ઉપર જવા પ્રવાસીઓને મનાઈ ફરમાવાઈ છે અને પોલીસ બંદોબસ્ત ગોઠવી દેવાયો છે.