Gujarati News

Gujarati News

News of Thursday, 17th May 2018

દ્વારકામાં ૧૨ દિ'ના ધર્મભકિત મહોત્સવનો પ્રારંભઃ પૂ. માં કનકેશ્વરીદેવીજી ધર્મપ્રેમી જનતાને કથાનું શ્રવણ કરાવશે

ભાગવત કથા અને કોટી વિષ્ણુ મહાયજ્ઞમાં ઉમટતા ભાવિકોઃ ૧ કરોડ વિષ્ણુ મહામંત્રની આહુતિ અપાશેઃ ભાવિકોને લાભ લેવા માણેક પરિવારનો અનુરોધ

દ્વારકા તા.૧૭: હિન્દુ ધર્મના અતિ પવિત્ર ગણાતા અને દર ત્રણ વર્ષે એક વાર આવતાં પાવનકારી  પુરુષોતમ માસની શરૂઆતથી દ્વારકા ધામમાં સ્થાનીય ધારાસભ્ય પબુભા વિરમભા માણેક પરિવાર તેમજ શ્રી ક્ષત્રિય વાઘેર સમાજ દ્વારા શ્રીમદ્ ભાગવત કથા એવં શ્રી કોટી વિષ્ણુ મહાયજ્ઞ જેવા ધાર્મિક ઉત્સવોને સાંકળતા ધર્મભકિત મહોત્સવનો ભવ્ય પ્રારંભ થયો છે. આ વિશેષ ધાર્મિક મહોત્સવનું જી.ટી.પી.એલ. તેમજ સંસ્કાર ચેનલ પરથી લાઇવ પ્રસારણ પણ કરવામાં આવી રહયું છે. સમગ્ર ધર્મ મહોત્સવનું જીવંત પ્રસારણ સતત એક પખવાડીયા સુધી નિહાળી શકશે.

આ ધર્મ મહોત્સવના પ્રધાનાચાર્ય શ્રી વિરેન્દ્ર દાતાર તથા કાશીના ૩૫૦ વિદ્વાન બ્રાહ્મણો દ્વારા ગુજરાતમાં પ્રથમ વખત વૈદિક વિધાન અનુસાર મહાયજ્ઞનું આયોજન કરવામાં આવ્યું છે, જેમા હજાર કુંડી વિષ્ણુ મહાયજ્ઞમાં એક કરોડ વિષ્ણુ મહામંત્રની આહુતિ આપવામાં આવનાર છે ધર્મોત્સવમાં યોજનાર શ્રીમદ ભાગવત સપ્તાહમાં મહામંડલેશ્વર શ્રીશ્રી ૧૦૦૮ પૂ. માં કનકેશ્વરીદેવીજી વ્યાસાસને બિરાજી પોતાની મધુર શૈલીમાં ઉપસ્થિત ઓખામંડળની ધર્મપ્રેમી જનતાને કથાનું શ્રવણ કરાવી રહયા છે.

ધર્મપ્રેેમી જનતાને બાર દિવસ સુધી ચાલનારા આ દિવ્ય ભકિતરસનો તેમજ મહાપ્રસાદનો લાભ લેવા આયોજક તથા સ્થાનિય ધારાસભ્ય પબુભા માણેક દ્વારા આમંત્રણ અપાયું છે.

(11:50 am IST)
  • સુપુર્દ-એ-ખાક : તમામ તાકાત કામે લગાડી પણ અંતે કર્ણાટકમાં કોંગ્રેસનું ઢીમ ઢાળી દેવામાં મોદી-શાહ સફળ થયા... સુપુર્દ-એ-ખાક ટાઇટલ સાથે પ્રસિધ્ધ થયેલું લાજવાબ કાર્ટુન જાણીતા ડેટા એનાલીસ્ટ જી-પ્રધાને ટવીટર ઉપર ટ્વીટ કર્યુ છે access_time 4:22 pm IST

  • નરેન્દ્રભાઇની સ્ટાઇલથી યેદિયુરપ્પાની કર્ણાટક વિધાનસભામાં એન્ટ્રી access_time 4:39 pm IST

  • કર્ણાટકમાં ભાજપની સત્તા અથવા રાષ્ટ્રપતિ શાસન ? : યેદિયુરપ્પા બહુમતી સાબિત ન કરી શકે તો ભાજપે નવી શકયતા તપાસવી શરૂ કરી દીધીઃ સૂત્રો access_time 4:25 pm IST