Gujarati News

ખંભાળિયા તા. ૧૭ : પવિત્ર પુરૂષોત્તમ માસ શરૂ થયો છે ત્યારે પવિત્ર પુરૂષોત્તમ માસમાં દ્વારકાધીશના મંદિરમાં તથા પુરૂષોત્તમ ભગવાનનું એકમાત્ર મંદિર જિલ્લામાં ત્યાં આવેલુ છે ત્યા લોકો ભકતો ખૂબ જ આવતા હોય તથા આ માસમાં  ગોમતી સમુદ્ર સ્નાનનો મહિમા હોય હજારો ભાવિકો દ્વારકા આવતા હોય દ્વારકાના સામાજીક કાર્યકર અતુલભાઇ દવે તથા ખંભાળિયાના બ્રહ્મસમાજ અગ્રણી હિતેન્દ્રભાઇ આચાર્યએ દ્વારકા જિલ્લા કલેકટર તથા જિ.પો.વડાને રજૂઆતો કરી છે.

દ્વારકા યાત્રાળુઓ ખૂબ જ હોય, ગોમતીઘાટ પર સ્ત્રી પુરૂષ પોલીસની વ્યવસ્થા કરવા, તરવૈયાની ટીમો રાખવા, લાઇટીંગ વ્યવસ્થા ગોઠવવા, ખિસ્સાકાતરૂઓના ઉપદ્રવ આ સમયમાં ખૂબ હોય ખાનગી ડ્રેસમાં પોલીસ મુકવા, કકળાશ કુંડ, બ્રહ્મકુંડ સાફ કરવા તથા સફાઇ વ્યવસ્થા, સીસીટીવી વધારવા માટે માંગ કરવામાં આવી હતી.