Gujarati News

Gujarati News

News of Thursday, 17th May 2018

વિસાવદર પોલીસ સ્ટેશનનાં સીસીટીવી કેમેરા પાંચ દિ'થી બંધ

ખાટલે મોટી ખોટથી દૂધનું દૂધ અને પાણીનું પાણી કેમ થશે ?

જૂનાગઢ, તા. ૧૭ :. વિસાવદર પોલીસ સ્ટેશનના   કેમેરા છેલ્લા પાંચ દિવસથી  બંધ  હોવાનું   જાણવા મળેલ છે.

જાહેર સુરક્ષા અને દરેક હિલચાલ પર વોચ રહે તે માટે જાહેર સ્થળો, કોમર્શીયલ સેન્ટરો, રસ્તાઓ, પેટ્રોલ પંપ, એટીએમ અને બેંકો વગેરે જગ્યાએ સીસીટીવી કેમેરા ફરજીયાત છે.

અહીંની આશિયાના નામની યુવતીના આપઘાતથી હાલ વિસાવદર પોલીસ મથક ચર્ચાના ચકડોળે ચડયુ છે. પોલીસ સ્ટેશનમાં સીસીટીવી કેમેરાની સુવિધા ઉપલબ્ધ છે પરંતુ કેમેરા છેલ્લા પાંચ દિવસથી બંધ હોવાનું જાણવા મળેલ છે.

બીજી તરફ પોલીસ સ્ટાફ અપુરતો છે અનુભવી પોલીસકર્મીઓ જુજ છે અને નવી ભરતીના પોલીસકર્મીઓની સંખ્યા વધુ છે.

બે દિવસ અગાઉ પિતા પર પોલીસ દમનથી પુત્રીએ ઝેરી દવા ગટગટાવીને આપઘાત કરી લેતા તેનુ મૃત્યુ નિપજ્યુ હતું.

આ યુવતિએ વિસાવદરના પોલીસ સ્ટેશનમાં જ આત્મહત્યા કરી હોવાનું જણાવાયુ છે.

પરંતુ ખાટલે મોટી ખોટ હોય તેમ વિસાવદર પોલીસ સ્ટેશનના સીસીટીવી કેમેરા છેલ્લા પાંચ દિવસથી બંધ હોય બનાવનું દુધનું દુધ અને પાણીનું પાણી કેવી રીતે થશે ? તેવો સવાલ ઉપસ્થિત થયો છે.

પોલીસ મથકના સીસીટીવી કેમેરા બંધ હોવાની બાબતે કોની બેદરકારી છે ? તે પણ તપાસનો વિષય છે.

(11:36 am IST)
  • વિધાનસભા બહાર કોંગ્રેસના વરિષ્ઠ નેતાઓ દ્વારા દેખાવો : ભાજપ પોતાની પોકળ જીત પર ખુશી મનાવતી હશે, દેશ લોકતંત્રની હાર પર શોક મનાવશે : રાહુલ ગાંધી access_time 10:57 am IST

  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • કાવેરી વિવાદ સંદર્ભે સુપ્રિમ કોર્ટે અંતિમ ચુકાદો રિઝર્વ રાખ્યો : કહયું લાગતા વળગતા રાજયોના સુચનો લ્યો access_time 4:25 pm IST