Gujarati News

Gujarati News

News of Tuesday, 17th April 2018

કાલે ભાવનગરમાં પરશુરામ ભગવાનની ભવ્ય શોભાયાત્રાઃ સંતો-મહંતો જોડાશે

ભાવનગર તા.૧૭ : કાલે અખાત્રીજનાં રોજ ભગવાન પરશુરામની ભવ્ય શોભાયાત્રા શહેરમાં ૧૮ કિ.મી. રૂટ પર ફરશે. શોભાયાત્રામા઼ સંતો-મહંતો અને બ્રહ્મસમાજનાં આગેવાનો લોકો મોટી સંખ્યામાં જોડાશે.

ભગવાનશ્રી પરશુરામની શોભાયાત્રા સમિતિ ભાવનગર દ્વારા ભગવાનશ્રી પરશુરામ જન્મજયંતિ નિમિતે અખાત્રીજ તા. ૧૮/૪ નાં રોજ ભગવાનશ્રી પરશુરામની ભવ્ય શોભાયાત્રા નીકળશે. સવારે ૭/૩૦ કલાકે અખલોલ મહાદેવ મંદિર અખલોલ જકાતનાકા એ થી પ્રસ્થાન થશે. પૂ. સીતારામબાપુ, રામકૃષ્ણશાસ્ત્રીજી (છોટેમોરારી) સહિતનાં સંતો-મહંતો અને બ્રહ્મસમાજનાં આગેવાનો બહોળી સંખ્યામાં જોડાશે.આ શોભાયાત્રા અંગે પત્રકાર-પરીષદમાં માહિતી આપતાં રાજુભાઇ ઉપાધ્યાય, પારૂલબેન ત્રિવેદી, મહિપતભાઇ ત્રિવેદી વિગેરે એ જણાવ્યું છે કે શોભાયાત્રા શહેરનાં ૧૮ કિ.મી વિસ્તારોમાં ફરશે. અને શહેરનાં કાળીયાવીડ મેસડીખાતેના મંદિરમાં શોભાયાત્રા પુરી થયા બાદ ધર્મસભામાં ફેરવાશે. અખાત્રીજનાં રોજ ભાવનગરનો જન્મદિવસ હોય તેની પણ કેક કાપી ઉજવણી કરાશે.

(11:31 am IST)
  • દેશનો બેકારી આંક એપ્રિલમાં 6,75 ટકા જેવો સર્વોચ્ચ સપાટીએ પહોંચશે access_time 10:50 pm IST

  • BSFના દરિયાઈ પેટ્રોલીંગ દરમ્યાન કચ્છનાં લખપતવારી ક્રીક વિસ્તારમાંથી એક લાવારીસ પાકિસ્તાની બોટ પકડાઈ : બોટમાં માછીમારી કરવાનો સામાન મળ્યો access_time 12:33 am IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST